كيما وعدت الاخوات وحبيبتي روعة علىا لهريسة انو ليوم نحطها بالصور والتفصيل
للاسف صرفو وما جابوش الفلفل الاحمر
ايا قلت ننزلها بالطريقة وكي يجيبوه نحط الصور بالخطوات
المقادير :
فلفل احمر حلو او حار حسب الرغبة ولا نص حلو ونص حار
ثوم
كسبر مطحون
ملح
زيت
الطريقة:
نغسلو الفلفل ونشلحوه يعني نقسمو الفلفلة على اثنين ننزعولها الزريعة ونحطوه في كسكاس يفور
نغطوه بكيس نيلون ونخلوه يفور
كي تشوفيه تبخر مليح انا نرحيه في الروبو ومباعد نفوتو في الرحاية نتاع الحديد نتاع الغربال اللي نرحيو فيها البطاطا ماش عارفة واش تسموها باه ترطاب ويتنحاو القشور
بعد ما نكملوها في الرحاية نتاع الحديد
ندوزنوها نهرسو الثوم والملح نحطوهلها
نزيدو عليها كسبر مطحون وزيت ونخلطو الكل
نعمرو لي بوات مونجي ولا لي ساشي دو كونجيلاسيون ولا القرع نتاع الماء الصغر ونخبوها في لاقلاص
الوقت اللي نحتاجو ننحوها نحطوها في المقلة ننقصو النار بعد ما تذوب ذوقي وشوفي اي اضافات حسب رغبتك
قطعي فيها الكسبر وقدميها مع شوي زيت
والف صحةل لاخوات
ساهلة ما فيها والو
هايل فوفتي
بصحتكم الهريسة
ومشكيتش كاينة عائلة مسيلية تقدر تستغنى على الهريسة سيرتو الحااااااااارة
قوليلي راهو موسم الفلفل الاحمر?
نفس طريقتي بصح انا نضيفلها مع الكسبر شوي كروية
طريق ساهلة جاري التجريب ان شاء الله
يعطيك الصحة
لكن دخلت حسبتها هريسة رمضانهههههههههههههههههههه
طماعة فالحلاوةانا