**العجينة المورقة+les salès من مطبخي** 2024.

اليكم الوصفة
للعجينة المورقة يلزم 1 كلغ فرينة +ملح + ماء+ملعفة زيت +و 750 من مرغرين التوريق

و نقطعو المرغرين شرائح صغيرة و نحطوه فوق الجهة الطالعة من لعجينة

و نخلوها ترتاح من 3دقايق حتى ل5
و الطوية المزوجة نديروها 3 مرات
و من بعد نديرو طوية وحدة كما فالصورة

و ندخلوهم للفرن يكون سخون و نستناو حتى يطيبو و يطلعو و نشعلو الفرن من الفوق باش يحمارو
و هادا هو الشكل النهائي يحمارو

وش رايكم
ان شاء الله تعجبكم
ارجو التقييم

انتظرو الجديد مني دائما
تقبلو تحيات ام امينة

يا ختي انتي من هدرتك ماخليتيهاش ترتاح بزاف خلاص باسكو كلما ارتاحت كلما كان التوريق مليح
باسكو الزبدة تجمد شوي
نورمالمو من خلال قاع المواقع يقولو خلوها ترتاح مابين ربع ساعة لحتى نص ساعة في الثلاجة
بارك الله فيك،،

اقتباس المشاركة الأصلية كتبت بواسطة ام آلاء شكرا بعدما ترتاح 5د نعاود انحلها سمك1سم ونطويها طوية مزدوجة ونكمل هكدا راني صحيحة ولا راني غالطة ترتاح داخل الثلاجة ولافي الخارج راهي السخانة

ايه راكي صحيحة
كي تخليها ترتاح غطيها بمنديل برك و خليها 5 دقايق

مشكورة على المرور

اقتباس المشاركة الأصلية كتبت بواسطة ahlem1992 يا ختي انتي من هدرتك ماخليتيهاش ترتاح بزاف خلاص باسكو كلما ارتاحت كلما كان التوريق مليح باسكو الزبدة تجمد شوي نورمالمو من خلال قاع المواقع يقولو خلوها ترتاح مابين ربع ساعة لحتى نص ساعة في الثلاجة بارك الله فيك،،

لالا اختي هاديك بين الطويات لي تخليها 5 دقايق
و كي تكملي الطويات و قبل ما تستعمليها لتم خليها ربع ساعة و من بعد حليها

و انا من تجريببي لي قلتلكم هكاك
مشكورة على المرور

بارك الله فيك أختي على الطريقة:heh:

اقتباس المشاركة الأصلية كتبت بواسطة s_luna بارك الله فيك أختي على الطريقة:heh:

مشكورة على المرور

اقتباس المشاركة الأصلية كتبت بواسطة imane27 y3atik saha oukhti jawak haylin