وش احوالكم يا لماويات يا لفحلات ..؟؟….
اليوم جبتلكم طريقة ساهلة في صنع الستيك تاع شعر ….ساعات يكون عندك ازمة خاصة للي عندها لبنات ..و في ظل السلعة الرديئة دائما نحتاجو لحاجة مليحة خاصة الي شعرها خشين …
و انا نحب نصنعهم وحدي خاطر ساعات يمون عندي قماش مليح ونحب نستفيد منو …
المهم نبداو على بركة الله ….
اولا تجمعي القماش الي عندك
راح تحتاجي لستيك من النوع الجيد ماذا بيك و بعض الاكسسوارات للتزيين
انا دائما نحتفظ ببقايا المساسك القديمة
مبعد تقصي القماش على شكل شرائط ..كما تحبين الطول اختياري
المهم ما يكونش قصير بزاف و لا طويل بزاف
انا تاعي درتهم بين 25 و 35 سم
و مبعد تخيطي الاشرطة الي قصيتيهم بعد ما تطويهم على زوج
تحبي من جهة واحدة و لا على الجهتين ..لان على الحهتين تكون اجمل
طبعا و تخلي الفراغ بين الخياطتين باه ندخلو الستيك
اما طول الستيك لازم يكون اقل من طول نصف الشريط …ب يجي جميل و مزير
مبعد بواسطة مساك تاع حوايج دخلي الستيك داخل الشريط تاع القماش
و حاولي تغلقي الشريط على شكل دائرة بالابرة و الخيط بلا ما تبيني الخياطة
و في الاخير حاولي تزيني ببعض الاكسسوارات الي وجدتيها من قبل
و الا خليه سامبل …يجي جميل
و بصحتك عزيزتي الفحلة
يعطيك الصحة
ملهمتي
يعطيك الصحة خيتي
فكرتيني كي كنت صغيرة ، كنت نحب نديرهم
موضوعكـ حصري يستآهل ختم التميز
يوضع ضمن :
حصاد ركن المهارات اليدوية 2024
يعطيكـ الف صحة
ننتظر جديدك يا قمر
موضوع مميز يستاهل الختم
بارك الله فيك
يعطيك الف صحة
|
الله يسلمك و يعافيك
|
اخدمي لشعرك و ادعيلي عزيزتي 
بلغك رمضان و انتت في اتم الايمان
|
الله يسلمك …
الحمد لله كي عجبوك ..و شكرا على الختم …
ختمك المولى ضمن المغفور لهم في رمضان