-دوارة تنقيها مليح أو قطعيها صغيرة شوية.
-حبة بصلة كبيرة او 2 صغار.
-حبة طوماطيش كبيرة شوية.
-2مغارف تع طوماطيش تع العلبة.
-مغرفة تع الملح.
-مغرفة صغيرة تع كمون+راس الحانوت+فلفل عكري+فلفل أكحل+قرفة ماشي مغرفة صغيرة دري غير شوية تع القرفة. و شوية كروية و كرافس أو حشيش.
-بطاطا ادا حبيتي.
طريقة التحضير:
من الأفضل في كوكوت مينوت ديري الدوارة لي قطعتيها أو سكرفجي عليها البصلة مع الطوماطيش مع شوية تع الزيت مع الطوماطيش تع العلبة مع الملح+راس الحانوت+كمون+فلفل عكري+ فلفل أكحل+ قرفة مع لكرافس و لا لحشيش ما تقطعيهش أرميه هكاك. خليهم يتقلاو مليح من بعد ديري عليهم الحميصة أو ديري عليهم حوالي لترا أو شوية تع الماء و غلقي عليها. و خليها تطيب حوالي ساعة غير ربع على نار معتدلة.
ادا حبيتيها بالبطاطا و القرعة قطعيهم دوائر أوديرهم عل الدوارة كي تطيب.
نموت على الدوارة والبوزلوف فقط انا فالدوارة نزيد الثوم يعطي دوق شباب ومانديرش القرفة
شكرا لك اختي
ختي مسيتي الوتر الحساس
راني نموت على الداورة
لوكان ناكلها صباح وعشية مانملهاش
خخخخخخخخخخخخخخخخخ
يعطيك الصحة وبارك الله فيك