الحلويات اللي درتهم لعرس اختي 2024.

صباح الفل و الياسمين
كيف الحال نتمنى تكونوا كامل لاباس توحشتكم
بزااااف غبت مدة عن المنتدى لظروف عرس اختي
و بدون اطالة اترككم مع الصور:

اسمحولي كنت مزروبة ما نظمتش الحلوى قبل التصوير راكم عارفين العرس هرس

صابلي

[IMG][/IMG]

لي ريس شكل قلوب

المقادير:

رطل دهان
6 صفار بيض
نص كاس سكر
نص كاس عسل
2 نوفا
2 مغارف كاكاو
فرينة

الحشوة:

حلوة ترك
عسل
قرقاع او اي مكسرات

التحضير:

نخلط جميع المقادير حتى نتحصل على عجينة طرية نبسطها بالوراق و نقطعها اقراص نطهيها في فرن لما تبرد
نلضق كل قرصين بالحشوة ثم نغمسها في الشكولاطة و نزين سطحها بنصف كركاع او كاوكاو و ندخلها الثلاجة
حتى تبرد و تتماسك الشوكولاطة نقدمها.

[IMG][/IMG]

المارغريت

نفس عجينة الريس تكوريها كريات ثم بعجينة بيضاء تصنع وريدات بقالب و نثبتها بحبة كوكاو فوق الكرية
لما تطيب نعسلوها و نزينها بالبريو و نضعها في حاويات صغيرة
[IMG][/IMG]

mbc طبقات بالقلاصاج

[IMG][/IMG]

شلاغم منديلا

1 كلغ زبدة ذايبة+ كاس و1/2 زيت+كاس و1/2 حليب+فنجان و1/2 سكر {فنجان تاع قهوة وحليب}+1 خمارة الحلوى+ مبشور الليمون+لفاني
العقدة " كوكاو محمر ومرحي وسط مخلط مع معجون مشماش
التزين " معجون المشماش + القوفرات مرحية
خلطي جميع المقادير حتى تصبح عجينة لينة حليها بالحلال وقطعيها بكأس على شكل دوائر وضعي العقدة في الوسط وغلقيها مليح وشكليها هلال وطيبيها عادي منبعد اطليها بالمعجون تاع المشماش ثم رمديها في القوفرات ………….. يمكن تغير القوفرات بالكوكاو
[IMG][/IMG]

مثلثات بالقوفريط
انا غير ت الشكل الى اصابع

المقادير
250 مرغرين
كاس زيت
2 بيضات
كاس سكر
فاني
3ملاعق كاكاو
3 ملاعق شيكولاطه الحليب بودره
1 خميره
فرينه
للتزيين
معجون مشمش
حلوه ترك
قوفريط مرحي
شيكولا سوداء
التحضير
نخلط كل المكونات السابقه مع بعض ونشف بالفرينه حتى نحصل على عجينه طريه ثم نقوم بحلها بواسطه الحلال ونعمل شكل مثلث ونحطها طيب بعد ما طيب نلصق زوج بالمعجون وبعد ما تنشف نطلي وجه الحبه بالمعجون ونرمدها في خليط القوفريط وحلوه الترك بعدما تنشف نعمل خطوط بالشيكولا السوداء من فوق

[IMG][/IMG]

[IMG][/IMG]

و هدو التوزيعات للحزام

[IMG][/IMG]

يعطيك الصحة ربي يكمل لختك

روووووووووووووعه

جاري التعديل اختي انا في الخدمة

بالبراكة عليكم اختي حياة وعقبالها بالذريةا لصالحة وطيبة العشرة ولعقوبة ليك ان شالله كي نهار ليوم
حلويات هايلة وطباقها تحفة مشكورة شاركتينا بيهم
موفقة اختي

مشكورة حبيبتي على اطلالتك امين لينا و لكل البنات