اسهل طريقة لتذويب الثلج المتواجد في الثلاجة 2024.

السلام عليكم ورحمة الله

اكثر حاجة اكرهها في المطبخ و هو تنظيف الثلج لي بالثلاجة او المجمد و اليوم لقيت طريقة جدا سهلة و جربتها و فعلا اكثر من رائعة يلا مانطولش عليكم .
اولا طفي الثلاجة و انزعي كل الاشياء الموجودة بها ثم جيبي مجفف الشعر (سيشوار) و شعليه و وجهيه للثلج و يبدا هو في الذوبان و في مدة 20 د تكون ثلاجتك نظيفة ، احسن من انك تطفيها في الليل و الصباح تلقاي الثلج ماذابش كامل .
و حتى الاشياء المجمدة ماتذوبش لان في وقت قصير تنظفي الثلاجة و ترجعي الاشياء.
ان شاء الله تعجبكم المعلومة و تستفادو منها كيما استفادت ام الحلوين .
سلامي .

سهلتي علينا هادي المحنه
ربي يساعدك كيما ساعدتينا يارب

ربي يخليك فريال تعيشي .

مرسي على المعلووووووومة القيمة

ربي يخليك هيبة الجزائرية .

بارك الله فيك حبيبتي
انا ندير قدر يغلي في النار بزاااف ومن بعد نطفي التلاجة ونخرج الاغراض ونحط قطعة قماش وفوقها القدر المغلي
ونغلق التلاجة ونخليها بعد 2 0 دقيقة ولا نص ساعة نلقي التلج كل هاود هادي طريقة امي ربي يحفضها ويخليها ليا
انا عطيتك طريقتي قلت واقيلا الضوء يكون طافي متنجميش ديري سيشوار

الله يخليك يا لحبيبة و يحفظ ميمتك و ميمتي
ياك راني جارتك و راكي شايفة هنا الضو مايروحش هههههه
سلامي حنونة .

والله حبيبتي انا حبيت نعطيك طريقتي وان شاء الله تستافدي منها دروك البيبي راه جاي وتولي تقرقجيه بالسيشوار عطيتك حل سيلونسيو ما تزعفيش مني حبيبتي
حبيت نضحك معاك ربي يحفضك

الله يخليك يا لعوينة و علاه نزعف من حبيبتي
سلامي ليك و لعبودة

برك الله فيك اختي العزيزة على هدا المعلومة القيمة جزاك الله كل خير شكرا