ان شاء الله تكونوا بخير اخواتــي
الامر يخص اختي
اختي حامل لمدة 8 اسابيع ,,,حملها الاول
و اخر زيارة للطبيبة _دارتلها سونار على ما اظن_مند حوالي 4 ايام_قالتلها نبض الجنين متوقف و من داك الوقت و هي في حالة
لكن لم تؤكد
قالتلها ارجعي بعد 10 ايام و نشوفو ادا رجع نبضه ام لا
الآن بغيت نعرف اختي مازالت تتوحم كيما نقولو بالعامية
يعني اعراض امراة حامل لم تتغير عندها
اللي مرت بهاد الحالة او عندها معلومة تفيدني بيها
يعني ممكن يتوقف نبض الجنين و المراة تبقى تتوحم؟؟ انا هادي مابغاتش تدخل عقلي
في انتظـآر مروركم بالموضوع
تحياتي
و الله لا يحرمكم من الذرية الصـآلحة
انا في الاسبوع 9 و قاتلي الطبيبة مانقدرش نسمع القلب و مرات الاطباء يغلطو ، انا في وليدي كنت تما و رحت للطبيبة قاتلي عندك 7 اسابيع حمل و قاتلي عندك كيس و لازم تشربي الدوا باش مايكبرش و انا ماشربتش الدوا و غير جيت هنا و شفت طبيبة قاتلي البيبي راه نورمال و الكيس ماكاش ،و العام لي فات مرت خويا في الشهر 5 قالولها البيبي يدو عوجة و هي تظل تبكي و في التالي ولدت عادي و يديه نورمال .
سلامي .
|
بــآرك الله فيك اختي
ربي يحفظلك اولادك الحلويــن
ويديمك فوق رآسهــم
يــآ رب
ان شاء الله نراسل اختي رقية و تجاوبك
الموضوع ينقل الى ركن الاستشارات الطبية
|
ان شــآء الله
مــرسي عليك
ربي يعزـكـ اختي Sàrààh
شكــرآ لاهتماآمكــم
ان شــآء الله مـآيكون غير لخــٍير
انــآ حبيت برك نطمن على حالة اختي قبل لا ترجع للطبية
و اكيــد شـآفت طبيبة ثانية وقالتلهآ انو الجنين متوقف نبضه منذ 4 ايــآم
و قـآلتلهآ بعد 10 ايآآم ناكدوا
يعني نفس كلآم الطبيبة الآولى
,,,
انا حطيــت الاستفســآر باه نعرف ادا هاد لحالة فاتت على وحدة فيكم من قبل
,,,
حاجة تاع استشارة طبيب او عمــي GooGle لآ دآعي
,,,
ربي يبــآرك فيــكم حبيبــأتي
تحيــآآتي
توقف نبض الجنين عنده أسباب عديدة ممكن تكون تشوهآت خلقية او وجود فيروسات او عدم متابعة الحمل منذ البداية يعني وجود نقص في الهرمونات مع عدم معالجته او وجود التهابات وغيرها
المهم علاقة توقف نبض الجنين مع الوحم انو اذا صح توقف النبض، اعراض الحمل رايحة تبقى لكن تبدا تخف شوية شوية مع مرور الوقت حتى تنعدم لذلك يبقى السونار القادم هو اللي يحكم
وعمر الوحم ولا يكون دلالة على حمل سليم يعني هي صح متداولة بين الجميع وطبعا الوحم دلالة على وجود حمل
لكن عمرنا ولا نربطوا الوحم بصحة الحمل وسلامة المراة
احيانا يكون وحم كامل والحمل غير سليم
وان شاء الله ربي يثبت حمل الاخت ويرزقها الذرية الصالحة
ويفرحها عن قريب يا رب
|
شكــرآ على اهتمــآمك اختي رقيــة
,,
اليوم تاكدت اختي
ربي مــرآهش كـآتب الحيـــ’ـآة لهاذ الجنين
الحمد لله على كل شــيء
,,,
بــ’ـآرك الله فيك اختي
ربي ينجحك
و يوفقك لكــل خـــيـر
يـ’ـا رب
تحيــ’ـآتي
ان شاء الله ربي يعوضها و يرزقها الدرية الصالحة