wasafet gato el3id 2024 2024.

elsalemou 3leikoum
elyoumjebtelkoum elwsafet te3 gato el3id 2024

hada 9ouloub elsable belbimofe el7a9i9a elwasfa ditha men mountada a5ar lil ou5et ESSIL rabi yahfadha we fi3lane jeni2 gato raw3a hchiche we bnine
besmillah
2 bimo
3 beid
1 5mira
mil3a9a te3 9ahwa bicarbounet
3 mle3i9 kbira 3ssel
2 mele3i9 kbira cacao
250g margarine
[pour la creme

[ kess 7lib we mil3a9a nche2 t7otihoum 3la nar hadya 7atta ye5terou we ki yeberdou tdifihoum ma3a 125g zebda mdarba m3a kess sokor glace we tdarbi 7atta tet7asli 3la creme
we le3jina
ter7i elbimo we tdifilou margarine we be3ed elbeid we be3ed be9i el moukewenet we tlemi bel farina we tkoun triya we be3ed t7eliha we t9at3iha 9loub we tles9ihoum be la creme
we tretssihoum fe chicoula we ttzeinihou kima 7abiti
hada lenhar elyoum mbe3ed n7otelkoum be9i elwasfat

Le probleme n’est pas un un probleme de clavier, mais c’est que je ne maitrise pas la frappe en arabe,sauf si vous m’autorisez a ecrire le tout en francais , ca c’est une autre paire de manche ,,,merci quand meme .Bon courage

بارك الله فيك علي الوصفة

عندك الصح اخت ندى انا واحدة من الناس منفهمش هذي الكتبة لذا اختي ياريت تعاودينا الوصفة بالفرنسية ولمتفهمش تطلب من ندى الورود ترجمتها في قسم الحلويات المترجمة
ونصيحة اختي انا ايضا اكتب بالفرنسية كنت منعرفش نكتب بالعربية ومع الوقت تعودت
وشكرا لك اختي مسبقا

شكرا لك أختي على الوصفة

يا ريت بالعربية اختي كي نفهمك جيدا بارك الله فيك

أختي انا بالنسبة لي معنديش مشكل نفهم كتابتك
بصح كاين اللي ما يفهموش المعنى
و الكتابة باللغة الفرنسية ثاني كاين اللي ما يفهموهاش
حاولي تكتبي بالحروف العربية ومع الوقت رايحة تتعودي
انا كنت حطاتك معندكش الكلافيي اراب بصح هكا المسالة ساهلة
عودي نفسك بالكتابة بالحروف العربية ورايحة توالفي بيها
المهم عندي فكرة
انا نكتبلك الوصفة بالعربي كيما كتبتيها ما نزيد ما نقص
وانتي نسخيها ولصقيها في موضوعك ونحي الكتابة اللي بالحروف الفرنسية
نظن مازال الوقت عندك 24 ساعة من بعد طرح الموضوع تقدري تعدلي في الموضوع
ولكان فات الموعد رايحة نراسل الاخت حكيك أو أم ندى أو ابتسام يعدلولك في الموضوع
المهم ننتظر موافقتك

وهذي وصفتك كتبتهالك بالعربي

السلام عليكم
اليوم جبتلكم وصفات تاع قاطو العيد 2024

هذا يقولولوا الصابلي بالبيمو الحقيقة ديتها من منتدى آخر للأخت أسيل ربي يحفظها وفعلا جاني
قاطو هشيش وبنين
بسم الله
2 بيمو
3 بيض
1 خميرة
ملعقة تاع القهوة بيكربونات
3 ملاعق كبيرة عسل
2 ملاعق كبيرة كاكاو
250 غ مارغارين
للكريمة :
كاس حليب وملعقة نشا تحطيهم على نار هادية حتى يخثاروا وكي يبردوا تضيفيهم
مع 125 غ زبدة مضربة مع كاس سكر غلاس وتضربي حتى تتحصلي على كريمة
العجينة :
ترحي البيمو وتضيفيلوا المارغارين وبعدها البيض وبعد ها باقي المكونات
وتلمي بالفرينة وتكون طرية ومن بعد تحليها وتقطعيها قلوب وطيبيهم
وتلصقيهم بالكريمة وتغطسيهم في الشكولاطة وتزينيهم كيما حبيتي
هذا لنهار اليوم من بعد نحطلكم باقي الوصفات

[

أنا ما عندي حتى مشكل نفهم بالفرنسية بالصح فكرة الأخت ندى الورود مليحة
لكن أنا نقول بلا ما تنسخها المهم اللي تدخل للموضوع تاخذ الوصفة سواء بالعربية أو بالفرنسية
وهكذا الكل يستفاد و1000000شكر للأختين على المجهود وننتظر المزيد من حلوياتكم الرائعة بروعتكم أخواتي العزيزات لكن أحر القبلات مني