العجينة:
500غ فرينة
قرصة ملح
340غ مرغرين طرية
240غ سكر ناعم
2ملعقة ص فاني
2صفار بيض
الحشو:
125 غ لوز محمص مطحون
125 غ بوفريوة محمصة مرحية
125 غ جوز او بيستاج محمص مطحون
250 عسل
80 غ زبدة
كرز معلب
ملعقة فاني
التحضير:
غربلي الفرينة والسكر زيدي الزبدة الطرية الملح والفاني اخدميهم بصوابعك وما تعجنيش زمبعد بليها بصفار البيض ولمي العجينة بلا ما تعجنيها في شكارة وحطيها فالفريجيدار 30دقيقة
الحشو:
ذوبي الزبدة في كاسرونة زيدي العسل والفاني زحطيهم على نار خفيفة وخلطي مليح ما تخليهمش يغليو
حمصي المكسرات وزيديهم للخليط وخليهم فوق النار 10 دقايق
سخني الفور 200 C حطي العجينة فلي مول الصغار واثقبيهم مليح واخبزيهم ربع ساعة حتى يولي عندهم لون ذهبي
خرجيهم وخليهم يبردو حطيلهم مغرفة في كل حبة من الحشو وزيدي دخليهم فالفور عشر دقايق حتى يوليو ذهبيين
خليهم يبردو وحطي في كل وحدة حبة كرز
حطيهم في كيسات وبصحتكم
rabi ytawal fi 3morha wkol 3am wantoma bkhir
لك يسلمو هالأنامل
|
الله ايبارك عليك
صح عيدك و كل عام وانت والعائلة
الكريمة بخير