les voles au vent من مطبخي 2024.

اليوم جبلتكم من مطبخي وصفة بنينة بزاف وسهلة التحضير انا شخصيا نحبها بزاف
و هي les voles au vent بلاصوص
نبداو بالمقادير:حبة بصل+زوج سنينات ثوم+زوج حبات ولا ثلاثة جزر+كمية
من الزيتون+شومبينيون+معدنوس+دجاج او لحم انا استعملت صدور دجاج+
زيت+ملح+فلفل اسود+ماء وطماطم مصبرة
بالنسبة لvol au vent نحتاجو العجينة المورقة

اولا نحطو البصل الزيت الثوم الملح والفلفل ونخليوهم يتقلاو شوية ومبعد نضيفو الدجاج والجزر والمعدنوس

نغليو الزيتون ونقطعوه دائريا ونضيفوه مع الفطر

نمرقو ونضيفو الطماطم المصبرة ونخليوه
وبالنسبة لvol au vent نحضرو العجينة المورقة

نحلوها وبطابع مثل لي فالصورة نديرو دوائر النصف نخليوه هكاك والنصف نزيدو دائرة صغيرة فالوسط نلسقوهم بياض البيض وندهنوهم بالصفار وندخلوهم يطيبو

وفي النهاية نقدمو les vol au vent ونسقيوهم بصلصة الزيتون ويستحن قطع الدجاج نخرجوهم ونقطعوهم قطع صغار ونرجعوهم للمرق

وشهية طيبة للجميع

بارك الله فيك عزيزتي هاجر

ما شاء الله
خرجولك رووووعة
يعطيك الصحة

بارك الله فيك ويعطيك*الف*صحة

يعطيك الصحة جاك هايل

شهية طيبة

بارك الله فيك اختي هاجر خرجولك روعة

يعطيك الصحة خرجولك هايلين

وفيك بركة اختي العزيزة