الحمد لله الذي احيانا بعد ما اماتنا واليـــه النشـور
صبـــــاحكم مباركم
LES CRèPES
2كوب كبااار فرينة
ملح
ملعقة صغيرة خميرة الخبز
نصف ملعقة صغيرة خميرة الحلوى
1الى 2حبات بيض
الحليب مع الماء دافئ 2كوب
الخليط لازم يكون شوي سائل سترين في الصور
ويترك يرتاح نصف ساعة
الحشو
1حبة بصل كبيرة مقطعة الى مربعات
فطر
خضر مستوية في المرق لكن ليس كل الاستواء
بطاطا
جزر
كوسا
وتقطع مربعات متوسطة
حرور مقطع حسب الذوق
فلفل حلو
جبن مقطع مربعات
وزيتون
قلي البصل والفطر ونحيهم وبعدين قلي الخضرة
وفي وعاء ضعي الجبن والزيتون لما تقلي السالف الذكر ضعيه مباشرة في الوعاء اللي فيه الجبن
ووضفي ملح -فلفل اسود -فلفل عكري اذا حبيتي زيدي شوي صوص مايونيز
ادهني الحبة بالفرماج وعمري الحبات بالحشو فوتيهم فالبيض ومن بعد خبز مرحي واقليهم
وقطعيهم كيما حبيتي
جاو هايلين
اه الخليط كي يرتاح نصف ساعة تكون عندك مقله مسطحة انا نورمال عالية شوي مي خدمت بيها
دهنيهامليح ونقسي النار عليها وبداي تفرغي قيس نص سقاية ووزعيها علي المقلاه
بلااااكي توزعيها في بلاصة مش مدهون راهي تحصللك
ومنبعد قلبيها متخليهاش بزاف يادوب لون ذهبي كيما شتي فالصورة
هذا مكان
واذا نجحت برتاجيوها وادا منجحتش بارتاجيوها
هه ZAROUUTA
ماله صح فطوركم خياتي
لا تنسوني من صالح دعائكم
ملاحظة :من الاحسن تحضير الحشو قبل ما تخلطي العجينة السائلة
وحاجة مليحة تاني في طريقة الحشو
الحبة كيما راهي مدورة ومسحطها وعليها الفرماج ابسطي عليها الحشو مي متكثريش يا دوب تغطي السطح وبداي ترولي وقفلليها مليح ودريها فالبيض ومن بعد خبز مرحي وقليها كيما الاولين
تخرج روعة
بالتوفيق
والصلاة والسلام على أشرف المرسلين
بارك الله فيك على الكيفية الشابة
باينة عليها بنينة ان شاء الله نعملها اليوم