les Beignets 2024.

المقادير:

– 500 غ فرينة
– 50 غ سكر عادي
– 20 غ بودرة حليب لحضة
– 01 ملعقة كبيرة خمارة الخباز حوالي 20 غ
– 50 غ مارقارين طرية
– 1/8 ماء دافئ

– مبشور ليمون 01 + عصير اليمون
– مبشور برتقالة 01 + عصير برتقال
– 01 ملعقة صغيرة ملح

التزين :

– 150 غ سكر عادي + سكر فاني
– معجون المشمش أو لفراز أو الشيكولة أو لكرام بتسيار حسب الرغبة

التحضيـــر :

نخلط خميرة مع ملعقة كبيرة فرينة ننزعها من 500 غ + ملعقة 01 صغيرة سكر. نبلله ب 1/2 كأس ماء دافئ، نترك الخليط يرتاح 15 دقيقة بعد أن نغطيه.

نضيف الفرينة و الملح و الحليب بودرة و مبشور الليمون و البرتقال و عصيرهما.
نخلط بواسطة اليد العجين مع إضافة المرقارين و نواصل في الخلط حتى نتحصل على عجينة لا تلتصق في حواف الصحن الذي نخلط فيه العجين.

نترك العجينة ترتاح مرة ثانية بعد أن نغطيها حتى يتضاعف حجمها.

نأخذ العجينة و ندعكها مرة أخرى لنخرج منها كل الهواء الموجود فيها ثم نشكل كويرات بحجم حبات المندرين و نحل كل كويرة على شكل دوائر و نغطيها و نتركها ترتاح 15 الى 20 دقيقة.

بعد ذلك نقليهم في الزيت ساخن و بمجرد تقطيرهم نغوليوهم في سكر عادي ثم نحلهم في الوسط و نحشوهم بمربى المشمش أو لفراز أو شيكولة أو لكرام بتسيار.

و بصحتكم.

رووووووعة مرسي

موت عليهم مع الحليب روان72 يعطيك العافيةحبيتى

شكرااااااااااااااا

Merci bcp

:ax_flw:Choukrane oukhti djerabthoumes 2 fois avec une autre recette jamais kherdjouli atamana an takouna wasfattaki nadjiha doumti

شكرا وبارك الله فيك

يعطيك الف عافية درك كنت ندير فيهم وخرجولي هايلين الف الف شكر

فرحتوني كي عجبوكم و يخرجولي ناجحين ، بصحتكم أم ايناس كل وصفاتك يعجبوني مشاء الله عليك، شكرا، مننساش نشكر وليد سلمى، و نقول ل Djazaire el ghalia جربيهم يخرجو يهبلوا، و S. fatima بلامزية على العين والراس، أما هدية الروح نقولك بعيد الشر عليك من الموت قوليلي برك كي تشهايهم نبعتلك، أما بيرلا أنتي لروعة الله يخليكككككك .

اولا شكرا بارك الله فيك على الوصفة هذا شحال و انا حابة نعرف الطريقة مي بصح ما فهمتش الماء كيفاش 1/8 و كي نديرو نصف كاس تع الماء في الخميرة من بعد نزيدو نديرو في العجينة ما دابيك توضحيلي اكتر اختي العزيزة و شكرا الف شكر يا الغالية