La tarte russe
وصفة لقيتها في ارشيف ماما للحلويات قلت نجربها 
عجبتني حبيب ننقلهآلكم 
المقآدير
6 بيآض بيض مخفوق ثلج، 250غ سكر رطب، 140غ فرينة، 200غ كوكآو مطحون، 100غ بيمو مطحون، 250غ زبدة طرية، 1 خميرة كيميآئية.
للتزيين: 6 صفار بيض+ 200غ سكر رطب.
طريقة التحضير:
نخلطوا اول حآجة الزبدة الطرية مع السكر حتى يتجآنسوا ثم نضيفوا الكوكآو والبيمو مطحونين
نضيف بياض البيض شوية بشوية ونخلط من التحت لاعلى وفي اتجاه وآحد
اخيرا الخميرة والفرينة
الخليط رآيح يكون سآئل ماشي عجينة
نفرغوا في بلآ نتاع الكويزينيآغ، نتآعي فيه 30 على 35 سم ويكون مدهون مليح بالزيت
ندخلوها لفرن مسخن وعلى نار هآدئة، ما تاخذش وقت بزاف وحد 15 دقيقة
بعد ما تنضج، نخلط صفار البيض بالخلآط مليح مليح، وبعدها نبقوا نضيفوا في السكر بالشوية مع مواصلة الخلط دآئما ونفرغوا الغلآصآج ديرآكتومون فوق لآبآت بآسكو ييبس بلخف
بعد ما تشد روحهآ بيآن نجوا للتقطيع، وللي هو عملية تتطلب صبر كبيــــــــــر كبيـــــــــر
والا تتفتت ديك الطبقة الصفرآء ويروح لوشآغم ديآل القآطوا
طريقة التقطيع من اجتهآدي:
لآزم يكون الموس حآد جدآ، اول شيء نرسموا خط رفيع، ثم باليد اليسرى نشدوا الجهة اللي حآبين نقطعوهآ حتى ما تتفتتش ونحآول ندخل راس الموس غير بالعقل برك، في البدآية نفصل الطبقة الاولى، ثم نعآودوا ندخلوا الموس اكثر حتى نقطعوا لآبآت مع محآولة التقليل في عملية ادخآل واخرآج الموس، ونفس الطريقة لعملية التقطيع الى معينآت.
برك تتطلب الصبر
مآمآ قآتلي تقولي رآكي تحلي في بنآدم 
وهآد هو شكلها النهآئي
نتمنى تعجبكم 
ســـــــــــلآمِي
يعطيك الصحة آ الشاطرة
ات شاء الله نجربها
ربي يخليك اختي
والشكل ماشاء الله واش نقلك يعطيك الصحة
وراكي فووووووووور واصلي
في انتظار اطباقك الشهية
سلامي خيتو
عندي وصفة تاع لي كاستيل تشبهلها بزاف في المقادير برك مكانش البيمو
وتجي اممممممممممم
كاش نهار نجربها
جاتك روعة يعطيك الصحة بارك الله فيك وفي ماماك وشكرا على الوصفة
وااااااااااااو
خرجتلك رووووووووووعة اختيتي روكا
وزيد ساهلة
ان شاء الله نسييها
يعطيك الصحة على الوصفة
بارك الله فيكي
وبصحتك
دائما تجبينا غير الجديدو لفوووووور
ربي يبارك
تهبل تهبل تسلم ايدك ياشيف انتي
راح نخبيها الوصفة عجبتني ونقول لاختي تعملها اذا سمعت الكلمة
يعطيك الصحة وتستاهلي تقييم