من مطبخي:
Escalopes de dinde
بطريقة ساهلة وسريعة
المقادير
شرائح الديك الرومي أو دجاج
ثوم مهروس
ملح
فلفل
كمون
فلفل احمر حلو
كركم
مسحوق الثوم
شوية قرفة
زيت
خل
للتغليفة:
فرينة
بيض
لاشابلوغ(خبز مرحي)
زيت للقلي
نخلط المكونات مليح مع ليسكالوب
نحطها في لفريجيدار حتى يتشرب كل الخلطة ونخليها اطول مدة ممكنة
نحط ليسكالوب في الفرينة
ممبعد فالبيض
مرة اخرى فالفرينة
ممبعدا فالبيض واخيرا في الخبز مرحي
ونحطها فالزيت مايكونش سخون بزاف باش تطيب مليح
وتقدميها بالصحة والراحة
ملاحظة:
بالنسبة للخطوة انا حطيتها فالفرينة والبيض ممبعد فالفرينة ممبعد البيض واخيرا الخبز مرحي (هاد الخطوة تخليها تجي خفيفة بزاااااااااف)
مي انا خفت ماتطيبش مليح من الداخل ايبا حطيتها فالفرينة والبض والخبز وقليتها جات فور ويدوب فالفم
بصحا رمضانكم وينعاد عليهم بالخير والهنا إن شاء الله عزوجل
نشكر اختي سارو ع التصوير
سلامو
تسلم ايدك
|
نورتي
|
|
شكرا لك
|
نورتي