ال
نقاش الأول عرائس اللمة … نبداو من البداية كاامل اوكي ؟؟ كيما قلتو الخطيب … كاين البنات الي ماهمش مالفين بالعلاقات و التعامل مع الرجال لما يكون خطيبها يعني حلالها ممكن جدا تكون جافة بزاااف معاه انا في بالي هذي حاجة مليحة باسكو كاين فئة كبيرة من الرجال شكاكين و اذا كانت الطفلة معسلة الهدرة من اللول يقلك مالفة يعني لازم عنصر الحياء تحافظ عليه دائما هاذي حاجة مفروغ منها دوكا رانا نشوفو المخطوبين يهدرو بالسوايع
هل هذا مليح ليهم باش يتعرفو اكثر او ممكن يجيبلهم المشاكل و من الاحسن تقلل الهدرة بيناتهم ؟
* احيانا يصرا تصادم في الافكار من الطبيعي نقولو مالازمش الطفلة تتنازل بزااف و لازم تكون عندها شخصية ..لكن الى اي حد ؟؟ لانه الرجل بطبيعته يحب السيطرة بدون استثناء هل هذا يعني انه لازملها تتنازل احيانا ؟؟
** اذا هو ما يحكيش على اهله بزاااف تحاول هي تنبش و تعرف كل شئ ؟؟ و كي قلت ما يحكيش ماشي قصدي يكون في مشاكل معاهم لانه هذا شئ آخر تماما ..
** كيف تتعامل البنت مع الخطيب اذا كان من النوع الغيور " بزاااااف " ؟؟
** اي نصيحة ملاحظة تفضلي الاخت لكي الحرية في طرحها ^^
و طبعا الي تحب تسأل على شئ محيرها او تضيف شئ من عندها تتفضل
انا اختي نحكي معاه بالسوايع لكن الوحدة تعرف كيفاه تحكي تخلي القدر بيناتهم احسن
و على اهله كان فالاول ما يحكيليش لكن كي ولينا فالسيريو راه يحكيلي و اكيد مع اسئلتي هههه
نصيحة مني اذا كان خطيبها من النوع الغيور لازم عليها تسايروا وما تعندشي راههو كله من حبه ليك وتبعد من مشاكل وما تخلطشي بين غيرة وقلة ثقة
ميرسي البنات
بصح من فضلكم اعملو اقتباس لكل الاسئلة و حاولو تجاوبو ..هكا ندو افكار من بعضانا
انا دوك نجاوب بلي نعرف ثاني
دوكا رانا نشوفو المخطوبين يهدرو بالسوايع هل هذا مليح ليهم باش يتعرفو اكثر او ممكن يجيبلهم المشاكل و من الاحسن تقلل الهدرة بيناتهم ؟
انا تبانلي ما فيها والو …بصح في حدود …لازم الهدرة يكون فيها احترام
و مليحة باش يعرفو عقليات بعضاهم كثر
* احيانا يصرا تصادم في الافكار من الطبيعي نقولو مالازمش الطفلة تتنازل بزااف و لازم تكون عندها شخصية ..لكن الى اي حد ؟؟ لانه الرجل بطبيعته يحب السيطرة بدون استثناء هل هذا يعني انه لازملها تتنازل احيانا ؟؟
لازم هنا تكون العروس ذكية …ما تخليهش ينسيها شخصيتها و يفرض رايه دائما
لازم يعرف انه ليها افكارها و اراءها الي لازم عليه يحترمها
و في نفس الوقت كاين شئ صوالح تحاول تتغاضى عليهم اذا شافت بلي ماهمش رايحين يضروها
فتتنازل شوي مافيها والو …ممكن هو ثاني يلاحظ هذا الشئ و يجي النهار و يحاول يتنازل هو ثان
<<<هاذي محظوظة ههههه
** اذا هو ما يحكيش على اهله بزاااف تحاول هي تنبش و تعرف كل شئ ؟؟ و كي قلت ما يحكيش ماشي قصدي يكون في مشاكل معاهم لانه هذا شئ آخر تماما ..
ممكن تحاول تجبدهم هي …من خلال الحديث باش تعرف كيفاش معاملاته مع اهله
لانها ثاني جانب من جوانب شخصيته
تقدر تعرف اذا يهتم بصلة الرحم او لا <<<<هذا شئ مهم
لكن اسئلتها دائما تكون في سياق الحديث ماشي تديرله تحقيق هههه
** كيف تتعامل البنت مع الخطيب اذا كان من النوع الغيور " بزاااااف " ؟؟
تحاول تخفف من الامور الي تخليه يغير بزيادة
الغيرة دليل على الحب لذا فالامر محبب اكيد ..و حنا البنات نموتو على الي يغر علينا ولا لا ؟؟ هههه
مالي هاذي حاجة مليحة ….و تحاول هي تطاوعه في حوايج باش ما تكبرش و تولي مشكلة
هل هذا مليح ليهم باش يتعرفو اكثر او ممكن يجيبلهم المشاكل و من الاحسن تقلل الهدرة بيناتهم ؟
انا نشوف هاد الشيئ عادي هكدا باش يعرفو بعداهم مليح مليح
وباش البنت توالف عليه من درك
* احيانا يصرا تصادم في الافكار من الطبيعي نقولو مالازمش الطفلة تتنازل بزااف و لازم تكون عندها شخصية ..لكن الى اي حد ؟؟ لانه الرجل بطبيعته يحب السيطرة بدون استثناء هل هذا يعني انه لازملها تتنازل احيانا ؟؟
التنازل طبعا لازم يكون في حدود يلزم تبينله شخصيتها قوية من للول
يعني كاين حوايج كي يحكم فيها الخطيب نورمال بصح حوايج أخرى
حاولي تقنعيه بالتفاهم
** اذا هو ما يحكيش على اهله بزاااف تحاول هي تنبش و تعرف كل شئ ؟؟ و كي قلت ما يحكيش ماشي قصدي يكون في مشاكل معاهم لانه هذا شئ آخر تماما ..
أكيد الفضول يخلي أي وحدة تسأل حتى ولو هو ميحكيش
السؤال لازم يكون في الحدود وادا لقيتي كاين حوايج ميبغيش يجكي عليها
أو يتهرب منها من الأحسن متضغطيش عليه
** كيف تتعامل البنت مع الخطيب اذا كان من النوع الغيور " بزاااااف " ؟؟
كل الرجال غيورن وانا في رايي البنت مش لازم تتصادم معاه في هاد الشيئ بالعكس
تراعيه وتراعي مشاعره لأن الغيرة مش بيده الا ادا كانت الغيرة المفرطة هداك يرجع للبنت
ادا تتحمل أو لا
ربي يحفظك أختي على الموضوع
** كيف تتعامل البنت مع الخطيب اذا كان من النوع الغيور " بزاااااف " ؟؟
يليقلها تساعفه و متكترش الهدرة معه و تحاول متحطهش في مواقف وين يفقد تركيزه ههه
** اي نصيحة ملاحظة تفضلي الاخت لكي الحرية في طرحها ^^
* احيانا يصرا تصادم في الافكار من الطبيعي نقولو مالازمش الطفلة تتنازل بزااف و لازم تكون عندها شخصية ..لكن الى اي حد ؟؟ لانه الرجل بطبيعته يحب السيطرة بدون استثناء هل هذا يعني انه لازملها تتنازل احيانا ؟؟
ماشي كل مرة تتنازل يليق تبين شخصيتها هي تاني بصح لازم ترضيه
السلام عليكم لبنات
ان شاء الله تكونوا باللللللللللللف خير
اختي امل يعطيك الصحة على الموضوع و الله مفيد جدا
المهم انا من تجربتي في فترة الخطوبة هو انك جامي تبيني روحك ضعيفة قدام الخطيب لانو هاكدا رايح يغبنك و ديفوا يجبرك على اتخاد قرارات انت مش حابتها و لا متقبلتها و زيد مالازمش تبينيلو بلي طليحة في دباديبو لانو مام ادا كان هو يموت عليك رايح يحقرك و يولي يتفشش و يتقلش
اوكييي لبنات
حاجة اخرى جامي و جامي و جامي تبيني طيبتك و نيتك الزايدة قدام اهلو لانو رايحين ياكلووك و يحقروك كيما دارولي انا الحاصون ماشي كامل الناس كيف كيف بصح ولاو الاغلبية هاكدا
اممممم كي نتفكر راني نزيد لكم
على فكرة انا خطيبي عرفتو من قبل و حبيتو على بيها صرا فيا العجب المعجب مي ماشي كامل الرجال كيف كيف كل وحدة و في من طيح
انا خطيبي من الاول كنت جافة كيما قلتي قالي نحسك ماكيش مهتمة بيا و ماكيش دايرتني في راسك
درك مانيش جافة و مانيش معسلة بزاف كيما قلتي
المخطوبين يهدرو بالسوايع
هل هذا مليح ليهم باش يتعرفو اكثر او ممكن يجيبلهم المشاكل و من الاحسن تقلل الهدرة بيناتهم ؟
انا في الاشهر الاولى حكينا حتان كرهنا بالسوايع باه فهمنا بعضانا شوي و ضرك ماراناش نحكيو بزاف اولا بدينا نتقابضو هههه بدون اي سبب و تاني رانا نحظرو للعرس ان شاء الله
* احيانا يصرا تصادم في الافكار من الطبيعي نقولو مالازمش الطفلة تتنازل بزااف و لازم تكون عندها شخصية ..لكن الى اي حد ؟؟ لانه الرجل بطبيعته يحب السيطرة بدون استثناء هل هذا يعني انه لازملها تتنازل احيانا ؟؟
انا من تجربتي عام و انا مخطووبة نقول انو استنتجت في هذاك الوقت نتاع النقاش تنقص شوي من روحها و من بعد كي يهدأ تحاول تقنعو برأيها بطريقة لف و دوران هههه لازمها خبرة
** اذا هو ما يحكيش على اهله بزاااف تحاول هي تنبش و تعرف كل شئ ؟؟ و كي قلت ما يحكيش ماشي قصدي يكون في مشاكل معاهم لانه هذا شئ آخر تماما ..
بالنسبة ليا نسقسيه على احوالهم دائما و هو تان يسقسيني على دارنا الحمدلله لكن مخلياتو براحتو يحكيلي عليهم انا ما ننبش ما ندخل روحي
** كيف تتعامل البنت مع الخطيب اذا كان من النوع الغيور " بزاااااف " ؟؟
هذا انا نقول مشكل و ربي يقدرها و كيما تقول جدتي ما يشك السفيه إلا ما فيه و الغيرة الزائدة تؤدي الى عدم الثقة و اذا من الاول ماكانش ثقة راح تتعب المرأة و توصل لمرحلة ماتقدرش تواصل . كلش عندو حدود و إذا زاد الشيئ عن حده انقلب الى ضده
[/QUOTE]
مشكوووووووووووووورين بارك الله فيك
