السلام عليكم ورحمة الله تعالي وبركاته
واشراكم خاوتي سافا
انا درت هاذ الموضوع باه نتقرعج :glare: حابة نعرف صحاب الباك واش راكم دايرين يعني واش هو البروقرام للي راكم تمشو عليه في المراجعة والتحضير للباك خاصة وانو علي الابواب مابقاش عليه بزااااف علي الاكثر شهرين ملا لازم نشدو رواحنا مليح ونزيرو رواحنا وكلشي يفوت
انا par exemple راني خايفة سيرتو كي ضيعت اسبوع 1 نتاع العطلة ديتها غير تحواااس وكي جيت البارح لقيت روحي نسيت لقراايا ملا بديت نعاود نرفيزي ومعولة بربي هذا الاسبوع نراع علي قد منقدر ونزيد نعود شوي نطول منرقد باسكو انا كنت نرقد علي 11 بالاك نديرها علي 12 ولا 1 ونعود نوض مع الفجر باش نحفظ المواد الادبية وندعي ربي باش يوفقني
اسمحولي طولت عليكم
وراني نستنا فيكم كل واحد يقولي واش راهو معول يدير وكيفاش راح يمكل هذو الشهرين للي بقاووووو
وربي يوفق الجميع
يا اختي سلام عليك انا راه صريلي اكثر منك فاتت العطلة والكراس مزال مهزيتوش بصح انشاء الله نبدا الراجع بصكوا الباك قرب والدروس بزاف وربي ينجحنا كامل وربي ما فيه غير الخير وطريقة المراجعة في الليل حتى 11:30 وفي الصباح على 5:00 انا ادرس شعبة لغات وانشاء الله ننجحوا يا حنان يا منان وشكرا ليك اختي
بربي ان شاء الله ربي ميضيعلناش المجهود نتاعنا ويوفقنا كامل
يعطيك الصحة خويا علي الرد نتاعك
شكرااااااا
و الله الواحد كل يوم يقرى
و كي يجي يشوف يلقى طريق مزال طويل
انا سع غلبت و مليييت ياخي بسالة تع فيزياء و سيونس و هم مات
اما ربي يوفقنا
مرسي امونهــ
الله يسلكها على خير
راكي كيفي
ساكودو نسيت البلاصة اللي حطيتو فيها
الله يجيب برك
ربي يوفقنا كامل شكرا لكم واحد واحد علي الردود
امــــــــــــــــــــــــــــ ـــين
اقروا مليح يا صحاب الباك
وربي ينجحكم انا تبعت واحد البرنامج هايل خرج عليا
و الحمد لله جبت البار علوم دقيقة ب 14.80 عام 2024
وراني 3جامعي مهندس محروقات ببومرداس
نتمنى لكم كل التوفيق بربي ان شاء الله النجاح حليفكم
لي حاب يتصل ويستفسر مش مشكل يخلي لي رسالة وانا نلبي كل واش يطلب
في الحقيقة رانا في البليدة دارولنا ساعات اضافية كل يوم من 8 حتى 4 ندخل لدار ميتة بالعيا نروح قبالة نرقد
كرهت و حابيت نجوز الباك و نريح
neaky2:
