لقد تحصل على شهادة البكالوريا و يريد الدخول اما للدرك او الجمارك و يسألكم ماهي رتبة الذي يتحصل على البكارلويا وما هي الخلصة الشهرية
باش يدخل للجمارك لازم يكون مؤدي واجب الخدمة الوطنية
يعني ما عليه غير يدخل للدرك
بمستوى البكالوريا يدخل برتبة رقيب
ويتحصل بعد نهاية فترة التربص على حوالي 47000 دج
بالبكالوريا نيفو رقيب : sergent و نظام الرتبة يطلع بلخف ثلاث سنوات بعد اليتاج تلحقك الدوبل v مش كيما الدرك من الرقيب للرقيب الاول تقعد حتى تشبن
و لي بارميسيو احسن من الدرك .
الرقيب راتبه ف الجيش يصل الى 47 ف التل و 52 حتى 54 ف الصحرا و راهم يقولو بلي فاها زيادة تصل الى 58 او 59
و كاين مدارس تكوينية لضباط الصف مثل ;
مدرسة ضباط الصف للعتاد بوهران و الحراش
مدرسة ضباط الصف للاشارة بتيارت و توقرت
مدرسة ضباط الصف للادارة بقالمة
مدرسة ضباط الصف الصحة ببلعباس
مدرسة ضباط الصف للقوات الخاصة ببسكرة
مدرسة ضباط الصف الطيران بالبليدة
مدرسة ضباط الصف المشاة بخنشلة
مدرسة ضباط الصف الدفاع الجوي عن الاقليم
اما الجمارك عندك عون حراسة يخلص 32 هكدا و عون رقابة يخلص حتى 36 ولا 37 الله اعلم
و الله يسهل ان شاء الله