المهم مانطولش في المقدمه
البنات النحيلات راكو حابين تسمنو.
علاه ؟
شكون قال اصلا ؟
الانوثه تبان في السمونيه
ولا في البنت النحيله الرشيقه.
نكذب عليكم انا كنت في الاول نحوس نسمان بأي طريقه ماخليت حتى حاجة مادرتها
العقدات الرقيى السيروب الخلطات
حتى لوحد النهار جات عندنا حبيبتنا من فرنسا ورقيقه سلك مانيش نبر
راني نوصفلكم يعني تالمون رقيقه انا قلت هادي ماراهاش تاكل انا راني نبان مليحه عليها
ووين مانحطولها الماكله تاكل زوج معالق اوب وتوخر. السكر انتاردي الزيت ممنوع يعني البطاطا المقليا الشكلاطه المحاجب المسمن انتاردي خلاص
نقولكم الصح تشيكيت انا قلت او
وين راهي رايحة وكلاني لساني
وقلتلها منك بصح اسمني شويا راكي في بلاد الخير.
واش رامي في عقلك راكي باغي تنقرضي هههه الكلمه الشهيره
المهم نقولكم واش ردت عليا
ضحكت . انا اسغربت تشوكيت
قاتلي راكي من نيتك نسمن واش ندير بالسمانا
علابالك بلي لوكان نسمن يجوني هادو الحوايج
بقيت نشوف …
تي شورت على قياسها سروال لاصق لاطاي باربي حرت
وزاد قاتلي لوكان راني سمينه
( اسمحولي على هدي الكلمه )
الدوبياس يجيني منين يبان الخصر لوكان راهم الحدورات والدودانات فيا
سكتتني مالقيت مانقول
وزاد شاقاتلي
قاتلي كاش نهار شفتي طوني ودرد صمم لباس لسمانات ولا الين صعب
ولا جورج ولا شفتي كاش نهار عارضات الازياء دلفين
بقيت نخمم وقلت بصح معاها الحق.
حلفت من اليوم ياغير نخلي جسمي كيمان هو مانزيدش غرام. ولي تهدر نقولها راهي عاجبتني لاطاي نتاعي
الحمد الله
ولا واش رايكم البنات
نشاء الله تكونو اقتنعتو ورميو عليكم هدوك العقدات ةالخلطات راهم سمان ويحوسو يرقاقو بشتى الطرق كاين حتى ليدير العمليات شفط الدهون الله يعافينا
وكاين لي حارما روحها ما الاكل غير باه تنقص غرام من جسمها
وانا ربي عاطيني الجسم النحيل الرشيق
نمشي نخصرو بالكتل. هداك راه غير مرض وكريسترول والقلب والخ …..
الحمد لله لتيقنت وفطنت
نقرا و نضحك فكرتيني في روحي كي شافتني حماتي لأول مرة قاتلي خويا جابنا عارضة أزياء هههه
هما في الخارج يموتا في الرشيقة السمونية عندهم مرض
أنا عياو معايا راكي رقيقة راكي كذا قتلهم خطوني نبغي روحي هاك
أنا مش نحوس نسمان نحب برك ناكل لأن الشهية عندي منقطعة
بارك الله فيكي
مام انا منحبش نسمان نحب نبقى بلاطاي ديالي
شكرااااااااااااااا موضوع هايل
اول عضوه منظمه لعالم الرشاقه
مرحبا بك
|
مرحبا بالرشيقه الثانيه
ما نكون فوق 40 ندير الطبقات و ما يجيونيش لحوايج شابين
ما نكون 34 نولي ما نبانش و تاني اللبسة ما جيهمش شابة
انا بالنسبة ليا العارضات لاطاي تاعهم تعيف يععق لازم تكوني شوية شوية
(خير من راجلك يولي يحوس جيهة أخرى) هههه
|
.
مشكورة على مرورك
مام انا 38 حتى ولو كانت 36 مليحة مثل. اللميقريا لي حكيت عليها هههه
|
حاشا الا راني نعيب على السمانات
انا اصلا كنت حابا نسمان باي طريقة
بصح كي قتنعت بلاطاي نتاعي الحمد لله
مانيش حابا نسمع { دري عقده ارقي. راكي رقيقه {
_هادو الكلمات عقدوني ههههه
وماهي كيسمينه كي رقيقه المهم الصحة وبس
وكل وحدة وذوقها