سؤال مصيري les jeunes 2024.

السلام عليكم
عندي سؤال محيرني بزاف ونحب نلقالو حل مادا بيا كل واحد يدخل يقرا الموضوع يعطيني رايو
وش رايكم في الفتاة الخجولة وغير جريئة لاحظت واحد معجب بيها من خلال نظراتو وكي بادلاتو النظرات يحاول يتهرب ويدير روحو كامل ماشي شايفها ولكن الله غالب دائما يتصادفو صراحة هي معجبة بيه لكن هذا التهرب خلاها تعاود حساباتها وماعلابالهاش كامل وش تدير انا رايي راهي تتوهم هو كامل ماعلابالوش بيها والله ماعلبالي لكن ملاحظة هو تاني خجول ومانعرف خاطيه ولا يلعبها لكن الاكيد انو الفتاة لا خبرة لها في المجال وش رايكم ممكن يكون معجب ولا لا وكيفاه تديرمعاه تنسحب بشرف ولا..مانعرف وقولولي وش هي علامات اعجاب الرجل بالمراة راني طولت وخلطتها لكن املي فيكم كبير راني ننتظر الاجابة خاصة من الشباب

واش تصارح الله يهديكم نورمالمو هو إدا معجب بيها صح يصارحها أما هي إدا كثرت تبادلو النظرات من بعيد باش يفهم بلي هي تاني معجبة بيه .

هههههههههههههههههههه صرات شحال من مرة العفسة هذي وللاسف مافهموش بعضاهم ,مي النصيحة نتاعي هي انها توريلو بلي راهي قابلاتو ,هو مبعد وحدو يلقى الحل ."هذا سيسور جديد على الدومان طاوعوه بالعقل نيتعلم ههههه"

أنا خاطيني هذا الشيء
ما علبالي بوالو
ديما نجبد روحي على هذو الحوايج
ما عندي حتى رد وما نفهم والو في هذي المواضيع

ما تصارحو ما علابالها بيه ادا هو صح باغيها يجي يقولها هادا اللي بقا الشيرات داروا كل شي و يزيدو هوما اللي يصارحوا