كيفاش تنظمي وقتك لرمضان يالماوية ؟ تجربة أم رهام+أم عبد الرؤوف 2024.

السلام عليكم اخواتي اولا ادعو الله ان يعطينا الصحة والعافية لنبقى دائما الاساس للبيت واريد ان اقول ان كل عمل نقوم به في بيتنا سواء متزوجات او عازبات فلنا اجر كبير عند الله
اما البيت دائما يريد منا ان نكون واقفين ومستعدين دائما ليبقى نضيف وجنتنا فوق الارض لذا نصيحتي لكن اخواتي ان لا تملو و تضجرو من العمل واعتبرو كل ماتقومون به هواية ممتعة لكن ,وكي تبقى صحتكن هي الاساس يجب ان نعمل بتاني ولا نعمل كل شئ في يوم واحد علينا بتقسيم اعمالنا اليومية دائما وبانتضام ,وهاهو الشهر الفضيل قد وصلنا اللهم بلغنا رمضان ,علينا ان نحضر كل شئ قبل قدومه مثلا كما قلت من قبل بالنسبة لتحضير الفريك نحضره ونضعه في بورت مونجي والثوم بعد طحنها نقسمها ونضعها في الكونجلي الطماطم ايضا انا اقوم بشراء الكثير منها واضعها في قدر واضعها فوق نار هادئة لمدة ساعة ثم ارحيها واصفيها بشاش ثم اضيف لها الثوم والزيت واضعها في الكونجلي في علب محكمة الاغلاق اما مائها اطهو به وعندما يبقى اسبوع على
رمضان اشتري التوابل حب واقوم بتنقيتها ثم اطحنها ونسيرها واضعها في علب نخصصة لها اما الفلفل الحار والحلو اقوم بغسلهم وتنقيتهم وارحيهم ثم اضيف الثوم مرحية وعصير ليمون وزيت زيتون واضعها في علبة زجاجية واغلقها جيدا ’عفوا الملح ايضا من اهم المكونات, ويسمى بوفرجوخ في منطقتنا وهو لذيذ جدا ويحبه اولادي ,اما الجلبانة طبعا انقيها واغسلها
واقطرها جيدا ثم اضعها في ساشى على حسب الكمية المطلوبة واضعها في الكونجلي ,اما بالنسبة لباقي الستلزمات مثل الفلان والطماطم المصبرة والخ اشتريها عندما يبقى حوالي اربع او خمس ايام على رمضان وارتبها جيدا في البلاكار ونصيحة لبورت مونجي راهم يفرزو مليح ويعاونو في الترتيب خاصة الشفاف
وهذا العمل راهو يوفر الوقت بزاف في رمضان ويخليلك الوقت للعبادة وختم القران وصلاة التراويح
اما بالنسبة لايام رمضان الصباح نوض حوالي الثامنة نوجد الفطور للاولاد ومن باعد نلدا في تنضيف البيت من تسياق ومسيح وماعن واذا كاين قش للغسيل اوالتطباق ومن بعد غداء الاولاد ونحط البطاطا تتسلق للبوراك نوجدها الصباح اذا عندي وقت هي والبصل نرحيه والجلبانة نفورها مع شويا زرودية ونخليهم يبردو وبعد صلاة الضهر نجبد مصحفي ونقرا فيه الي قدرت عليه اذا تعبت نرقد واذا ملتعبتش نكمل توصل وقت العصر نصلي وروح للكوزينة اول شئ ننصب للشربة خاتر عندي قدرة تاع الطين تحب نار قليلة ونزيد مرة وحدة طاجين البرقوق اول ما نبدا بيه رمضان ومن باعد الكسرة خميرة نبلها ونرجع للسلايط وحوايج البوراك نوجد كل شئ وتاني نوجد الفلان وصلاد فروي ونحط بالثلاجة ومن باعد نرجع للقدرة تاعي ونحط الفريك ومن باعد السكر في طاجين البرقوق ونرجع للكسرة تاعي نعاودها تكون طلعت ونطيبها وندير وحدة معجونة او رخسيس كيما يقولو البعض ونطيبهم ثم نقلي البوراك يكون الوقت وصل نوجد التابلة تاعي ونطفي النار على كل شئ ونوجد براس قهوة وروح ندير اذكار المساء ونتوضا ونوجد زربية صلاتي واذا كاين الوقت نقرا في مصحفي ونكثر دعاء خاتر تفتح ابواب السماء في هذا الوقت للدعاء من بعد الفطور نغسل الماعن انا وبنتي وروح ونسيقو الكوزينة ويكون اذن العشاء نصلي التراويح تاوعي ونقرا في مصحفي , وهكا كل يوم كبفاه هذا بصفة عامة
وربي يقدرنا ونصوموه بالهناء والعلفية وربي يقبل علينا وعليكم صالح اعمالنا راني كثرت عليكم حكيتلكم قصة حياتي ههههههههههههههه لكن والله احس اني مع اخواتي احبكم في الله السلام عليكم

شكرا جزيلا اختي ساندي على الموضوع لي يخلي الواحدة لي جديدة على المطبخ ولا حياة عائلية اقصد المتزوجة حديثا وخاصة كاين لي كنات تقرا ومكانتش تدخل للمطبخ ابدا وهن كثيرات وليس لدهن حتى فكرة على تنظيم الوقت
نقول تنظيم الوقت هو اساس ربح وقت كبير اذا عرفت السيدة كفاش تنظم وقتها والله رايحة تلقى وقت كبير بين يديها تتفرغ فيه للعبادة عندي نصيحة وهذي انا معتمدتها من عامين ولله الحمد كل يوم بعد كل صلاة اقرا القران وعندي يوميا حزبين وربع حتى حزبين ونصف وبهاذا عندي كل شهر ختمة القران ليس في رمضان انما طوال السنة اعتمدو هذه النصيحة والله مفيدة جدا من حيث الراحة النفسية وحتى اننا ناجر عليها
اما بالنسبة للخضر رمضان هذا العام في الصيف والحمد الله الخضرة متوفرة وباسعار رخيصة فلا داعي باش نجمدو صح نجمد الجلبانة على خاطر مكاش فراش في رمضان لكن الطماطم وقتها في الصيف ورخيصة علاه نجمدوها انا نجمدها لكن في نهاية الصيف نديرها للشتا وين الطماطم تكون غالية وماجيش طايبة ونحتاجوها في لوبيا ولا الشوربة ولا البركوكس
المهم هاذو شوية نصائح واكيد كل واحد يمشي على حساب مقدورو
ولي نعاود نقولها لا للتبذير لا للاسراف نعم للاقتصاد
ورمضان كريم للجميع ان شاء الله

يااختي فدتيني بزاف
شكرا

أهلا اختي بالفعل فحياة البنت في دار باباها تتبدل بزواجها
راح تزيد المسؤوليات
راكي عطيتينا نصائح وولهتينا لحوايج مهمة بزاف
بارك الله فيكِ مرّة أخرى
وكيما يقولو المرا الفايقة لي تسير دارها ومتسرفش على ماكلات تترمى من مباعد

ربي يكون في العون هاد الصيف نجي نعاونك
نورتي

مشكورات والله استفدت بزاف من تجاربكم
جزاكن الله عنا الف خير