السلام عليكم يا الشابات 
ان شاء الله تكونوا بخير 
عندي شحال و انا نحوس على طريقة تسمن تكون سهلة و ما تديش وقت بزاف
و أخيرا لقيت في واحد من المنتديات خلطة شحال من وحدة جربتها و فادتها
و باش ما نطولش عليكم ، الخلطة مكونة من :
– حلوة الترك بالمكسرات (علبة وحدة كبيرة)
– كاس ونص مكسرات (جوز +لوز+كاجو)
– حفنة من الحلبة المطحونة ، لكن لا تكثري منها لانها تدر البول و لها آثار جانبية مع الوقت
– ملعقة ونص خميرة (خميرة الخبز )
*تخلط المكونات و تشرب مع كأس حليب قبل النوم .
واش رايكم لوكان نديروا برنامج .. نبداو نجربوا هاذ الخلطة .. انا غدوة ان شاء الله رايحة نشري المكونات و نبداها باذن الله .. بعد اسبوع نرجعلكم الخبر
يالبنات اللي تجربها .. تكتب التجربة نتاعها و تفيدنا 
وصفة مليحة لازمها المتابعة
ان شاء الله ينضمو ليك البنات
بالتوفيق ان شاء الله
بارك الله فيك اختي نينا ع الوصفة راني ننضم ليك ان شاء الله
مي اصبري حتان نشري المكونـآتـ هههههههه
سلامي
تأمني بربي الوصفة وسخفتني خخ
انآ هدآ وين كنت ندير في اختبآر للوزن المثآلي
والحمد لله لأول مرة يقولي ألف مبروك وزنك مثآلي هيهي
لعقوبة ليكم يالنحيفآت
، موفقآآت عجْبتني الوصْفة سورتُو كي فيهآ نوآدكآجو أممم
حتَى أنا بآلاك نجَربهآ 
صَحيتِي أختِي
يعطيك الصحة على الوصفة
عجبتني بصح مانشتيش الحلبة والحليب
واش ندير
رايحة نشري المكونات ونبدا بصح كيما قالت الاخت نقدر نستغني عن الحليب؟
انا كليت حلوة الترك وحدها ماشي باش نسمن ( لزيادة الحليب لاني كنت نرضع ) و سمنتني
اسمحيلي صاحبة الوصفة نجاوب نيابة عليك
على ما اظن المواد ماشي ضرورية كلها
يعني تقدرو تحطو كمية قليييييلة من الحلبة و ممكن تحذفو الخميرة
و عادي اشربوها مع اي سائل ( gازوز ، عصير ، قهوة ، شاي ….) غير باش ماتحسوش بالبنة تاعها
و ممكن تضيفو نواد كوكو او اي مكسرات لانها معروفة تسمن
و من تجربتي كليت ( الطحينة لي هي جلجلان مرحي + دبس التمر لي هو عصير او معجون التمر ) و في اسبوعين زدت 2 كيلو ، و حبستها
ربي يسمنكم من غير شر
افدتينا، ربي يجازيك الجنة
وشكرا لاختنا مولات الوصفة
ربي يبارك فيك
اسمحولي كنت مع الدراسة ما قدرتش ندخل
مشكووووورة أم الحلوين .. ممكن الاستغناء عن بعض المكونات أو إضافة أخرى
عسل التمر كماان مفييييد جدااا
أنا أكلته لمدة 3 أسابيع و الحمد لله حسيت بفرق و تعمرت شوي
هذي الخلطة جربتها ثاني خالتي و خرجت عليها
ربي يهنيكم و يوفقكم
أدعولي برك ربي يناولني مرادي و يعطيني ما نتمنى