بينيي ولا أروع بأسهل الطرق من مطبخي 2024.

بواسطة aksachli
30 يوليو، 2023

السلام عليكم
حبيت نشارككم بوصفة جربتها اليوم لاقت استحسان الجميع وبطريقة سهلة جداااااا
ويجوك خفاف روعة
نبداو على بركة الله
02 كيسان كبار فرينة
02 ملاعق كبار سكر
03 ملاعق كبار حليب غبرة
ملح حسب الرغبة
01 ونص ملعقة كبيرة خميرة خبز
لمي هاذ المقادير بماء دافئ ماتعجنيهمش لميهم برك أمبعد ذوبي قيس زوج ملاعق كبار زبدة واعجنيها مليح رايحة تخرجلك خفيفة
خليها تخمر من 15 إلى 20 دقيقة
أمبعد حليها بالحلال قيس 01 سم
وقطعيها دوائر بأي أداة عندك فالمنزل تقدري حتى بكاس
امبعد خليها تخمر شوي
كي تخمرلك تكون درتي زيت ونحذرك مش سخونة دافية باه العجنة طيبلك وماتتحرقلكش
يعني سايسيها
كي تكملي رمديها فالسكر وتقدري تقطعيها وتديريلها المعجون كيفي أنا
والله يالبنات جربوها مارايحينش تندمو ناجحة بزاف هاذ الوصفة
ولأفضل نتيجة تطبخيها في محيط دافئ مافيهش الهواء بزاف
القعدة