اليُومْ جَبتلكم
تشيز كيك بدون جيــلاتــين ( بالصور) ~
المقــآدير:
الطبقة الاولى :
نحتاج بسكوي اي نوع انا استعملت يمد احسن نتيجة وانت والذوق نتاعك + حوالي 2 اصابع مارغارين ( 60غ) ونرحيهم مع بعض حتى يرطابو تماما
ونرصهم في المول مليييح بالملعقة نعدلهم ونزيد بالكأس نرصهم ، ونحطهم في الفرن
يكون سخون شوي 180° الرف يكون تحت ونخليهم 15د في الفرن لا أكثر ونخرج ال
الطبقة الثانية :
نحتاج فيها
كريمة شانتي + كريمة بالياؤورت والجبن والنشا
كريمة الشانتيي سهلة درتها متماسكة (( كأس حليب بارد + 8 م ك غبرة الشانتيي )) مع الخفق حتى تتماسك ونحطها في الثلاجة
الكريمة الثانــية :
– 3علب ياؤورت فراولة
– 2 م ك نشا
– جبن أبيض واذا ستعملتي كيري حوالي مربعين منه
– Arôme ( عطر فراولة ) تتباع في قارورات صغيرة هاذي اضافة فقط حسب الرغبة نتاعك
نحط في كاسرونة الياؤورت + النشا ونخلط بارد *بارد تتحلل النشا ومن بعد نحطها على نار متوسطة
تبدا تخثار نضيف الجبن ونخلط مليييييح حتان نشوفو الفقاعات ونرفعوها من النار
ونخفقوها بالباتوغ انا زدت ملون وردي ونخفق ، وزدت 2 م ك سكر حسب الرغبة اذا حابة ديريه اضيفيه مع الاول ونخفق مدة دقيقتين
نحط الكريمة في الثلاجة تبرد
بعد مايبردوا راح نخلطهم مع بعض بالراحة من الاعلى للأسفل بشكل دائري
نحطها في الثلاجة تجمد لمدة ساعة
الطبقة الثالثة :
عبارة على علبة فلون ذوق فراولة + كأس ماء ( بدون إضافات اخرى ) نخلطهم في كاسرونة
ونحطهم على النار حتى الغليان
نخليه حتى يبرد شوي يكون دافي ونحطو فوق الكيك بالشوية والــــى الثلاجة
نخليه يبرد 3 ساعات وويقدم التزيين حسب الذوق والموجود
انا زينتو بالكرز
وهنيتينا من الجيلاتين اصبح والو ما فيه القبول
قيد التنفيذ ان شاء الله
ييعطيك الصحة الفحلة
رااائع وسيرتو كي مافيهمش الجيلاتين
تسلم الايادي حنونتي
39 (1 عضو و 38 ضيف)
بوركتي على هذا الموضوع المميز
يا ملكة الطبخ انتي
راهي خرجتلك تهبل
يعطيك الصحة
*_*
يعطيك الصحة ملووكة
^^
|
ان شـآء الله
سعيدة بتــوآجدكي
كل الشكر لكي
|
ايه هكدا احسن من الجيلاتين
سعيدة بتــوآجدكي
كل الشكر لكي
|
بــآرك الله فيكي
سعيدة بتــوآجدكي
كل الشكر لكي