الوصفة شفتها في الفايسبوك
جزيل الشكر لصاحبتها
المكونات
4 كيلات فرينة
كيلة سمن ذايب
بيضة
رشة ملح
كيس خميرة حلوى
ماء وماء الزهر للم العجينة
الطريقة
نحضر العجينة ومن المستحسن تكون يابسة شوي
نخليها ترتاح ملييح
نحلها في الماشينة في الرقم 3
انا المشينة تاعي 1 هو الطبقة الرقيقة خلاص
وكاين للي العكس يعني 7 هي الرقيقة
المهم تكون ماقبل قبل الاخيرة 
ومن بعد نقطع بقطاعات الصابلي
طابع كبير والثاني اقل منو شوية
في كل حبة نحتاجو 3 دوائر كبار ودائرة واحدة اقل منها
نلصق الاربع دوائر فوق بعض ببياض بيضة ببانسو مانخرجش للحواشي
نندهنو في المركز فقط
ونضغط على الزوايا الاربعة مليييح
حتى نتحصل على هذا الشكل
ومن بعد نقليها في زيت غزير ودرجة حرارة متوسطة
كون تعود النار قاوية ما يتنفخوش ويحمارو
وكون تعود النار هادية تبقى نية
لازم نراقبو مليح الحرارة
ونقلبوها تطيب على الجهتين
بعد ماتحكم الشكل
وهذا شكلها بعد ماعسلتها
العسل غير مخفف باش ماتطراش
يعطيك صحة هاااااايل نجربو اكيد
ومنكم نستفيد ياشاف
……..و زيد يا بوزيد
شفت مرة جارتي درتهم مي هي حكمتهم في الوسط باعواد
وقلاتهم في باطة تع الطماطم باه ما يتحلش ممكن نفس الشكل
|
الله يسلمك يالحبوبة 3+1 هههههه
|
ايه صح شفت هذيك مولات القرنون دارت نفس الوصفة وطبعت بالطابع تاع عباد الشمس وحكمتهم بلوزة
شكرا شهرور جربي والله يسستاهل
اليوم جاتني ضيفة حطيتهولها ..قاتلي نتي لي درتيه ؟ 
مافهمتش علاه الاحباط ولا موش قد المقام هههههههههههههه
ماروحت الا بعد مادات الوصفة 
|
هههههههههه انا شفتها عندي يومين وطبقتو لبارح
بصراحة شكل ودوق لا يقاوم
شكرا نسيمة
|
الله يسلمك ام ريهام مرورك الاروع
امممممممممممممممممممممم
يعطيك الصحةبارك الله فيك اخية
