هادي وصفة الكيكة الي خدمتها لعيد اللمة الجزائرية
مقادير الجينواز
6بيضات
كاس فرينة نقصت منو 2 مغارف واستبدلتهم بالكاكاو
كاس سكر
نصف كاس نشاء
ملعقة قهوة فاني
ملعقة قهوة خميرة كيميائية
نضرب البيض مع السكر والفاني اقل حاجة 15د ونضيف الخميرة والنشاء والفرينة منخولين ونحرك بملعقة من اسفل الى اعلى ونسكب الخليط في مول مدهون بالمرغرين ومرشوش بالفرينة والى الفرن
كي طيب قسمتها على اثنين وسقيت كل جزء بالسيرو وبالشيكولا مخففة
حشيتها بالكرام شانتي ثم نحيتلها الاطراف وغلفتها بالكرام شانتي وحطيتها فالثلاجة
تحضير القناش
هاد القناش هااايل هاايل وطعمو امممم
300غ لاجولي
140غ شكولا نوار
110 قشدة طازجة
2مغارف كبار ماء
في الميكرووند سخنت لاجولي +الماء حتى تذوب
ممبعد في وعاء اخر الشكولا+قشدة طازجة حتى تذوب
والا في حمام مائي
ثم نخلطهم للزوج ونميكسيهم بالميكسور شوية
راح تلاحظيه انو ماشي صافي مليح
بقيت نخلط ملييح بالمغرفة حتى نتحصل على قلاصاج قوامو ثقيل ولامع وخالي من اي شوائب
ونصبو فوق الكيكة
ندخلها الثلاجة تجمد شوية ممبعد نزينها بفراشات خدمتهم بالشكولا بيضا
والصور تبين الشرح
يعطيك الصحة طاطا
يمي يمي تبان بنينة
بصحتكــم
|
هههههه اول مرة وحدة تقولي طاطا
خافي ربي راني صغيرة
الله يكبر شانك حبيبتي
ومرسي على المرووور نورتي
يعطيك الصحة شهرا والله غير فووووور
بارك الله فيك و تستاهلي تكوني من الاوائل
كيكة وعليها لكـلام
يعطيـك الصحة ياشاطرة
اون فان حطتيلنا الوصفة يمي يمي يمي يمي
هبال في هبال يسلمو ديك اليدين شهرورة الله يعطيك صحتك
