نقدملكم وصفة بتي فور هااايل وخفيف ان شاء الله يعجبكم
مقادير
250غ مارغارين طرية انا نستعمل فلوريال
150 ملل زيت
1خمارة وزدت شوية
250غ سكر
3بيضات
فرينة حسب الحاجة المهم انا استعملت تقريبا أكثر من 500غ+ مغرفة كبيرة معمرة مليح مايزينة
الطريقة
بالباتور نخلط المارغارين مع السكر مليح ثم نضيف البيض ثم الزيت ونخلط ملييييح ممبعد الفرينة والخمارة بملعقة خشبية
نضيفو الفرينة حتى نتحصلو على عجينة طررية وتخرج بسهولة من لابوش
المهم جربي وحدة ادا مشات وتحلت معنتها خصت الفرينة
لعجينة هادي رايحة تخرجلك كمية مليحة
شكليها وطيبيها 180د غير تحمار شوية من تحت اشعلي الفوق تحمار
اسفه ماصورتش جميع المراحل
لقي كل وحدة مع ختها بشوية معجون ولا لاجولي وغطسيها فالشوكولا
ننصحكم بهاد بات قلاصي هاايلة ادا عندي ميكرووند ذوبيها تم سي نو في حمام مائي
ماتضفيلها وااااالو
خير ما تضلي تشري فلي طابلات تع شكولا بزاف
وهادا هي النتيجة
و درت كعيكعات تاني جاو هايلين
وهادو
وانا نقول شهرا نهار كامل تخدم بالشيكولا ما خلاصتلهاش هههههه راني هزيت الماركة يعطيك الصحة
ربي يناولك لي بالك بالك خخخخخخخخخ
جــآك هــآيل
بصحتك
هاايلة شوشو يعطيك الصحة اختي
بصحتكم ربي يعطيك ما تتمناي يا رب
بتي فور جاوك يهبلو
في اقرب فرصة رايحة نجربهم
فحلة ربي يبارك راك تتعلمي كش ماكاين مثلا هاك ولا هاك خخخخخخخ
جآك يهبل، لآزم نجربوا إن شاء الله
يعطيك الصحة الفحلة.