الصراحة شفت عدة وصفات لكيكة الباربي منها وصفة انريس و ام التوأم ووصفة نسيمة
بصح ماكانش عندي الوقت الكافي باش نزخرف ولا نستعمل عجينة اللوز
ايا قلت نديرلها جاست نفرحها وخلاص
وصراحة استغربت كي عجبتكم الكيكة وطلبتو الوصفة ههه
ايا على ضمانتكم
تفضلوا تشوفو التجغبيل هههههه
استعملي اي نوع كيك متعودة عليه
انا قلت ندير كيكة الميكروند باش تقدر نطيبخا في صحن
غامق باش نتحصل على شكل فستان قونفلي
بصح مالقيتش الحجم المناسب
طيبت كيكة بالكاكاو في مول عادي
ومن بعد بديت نحوس في الماعن مالقيت
حتى حاجة مناسبة 
ومن بعد تفكرت الغطا تاع الطاجين المروكي 
قسمت الكيكة الى قطع
غلفت الغطا تاع الطاجين بالفيلم اليمونتار مليح
وبديت نحط طبقة كيك ومن بعد سقيتها بشيكولا مذوبة مع حليب
وطبقة كرام شونتيي
حوالي 3 طبقات
غلفتيها مليح وخليتها ليلة كاملة في الثلاجة
من بعد ماقلبتها كانت النتيجة
غرست البوبية ..طبعا بعد بتر الجزء السفلي 
زينت بالشونتيي
وتوتة تووتة …خلصت الحدوووتة
خرجتلك روووووووووووووووعة
يعطيك الصحة
بصحتـــك
و الله خرجتلك تحفة بصحتكم
و يعطيك الصحة على الوصفة
خرجتلك تحفة وشكلها هايلة سيرتو هاديك البابيون نتاع لاغوب لي من ورا يابنت الإيه
طلعت تجننعجبتي فور
حبيتي تقولي بلي بعد ماطابت الكيكة قطعتيها قطع وخلطتيها بلاكريم شونتي
ورصيتيها في الغطا نتاع طاجين المروك و وسقستيها بالشكولاطة وخليتيها ليلة كاملة
يخي هكذا..؟
يلزم نجربها هااايلة
يعطيك الف صحة وربي يحفظلك ندودة..
والله يعطيك الصحة وعدتي ووفيتي،.ربي يخليك إن شاء الله،.
مي حبيت نسقسيك كيفاش كان شكل المول اللي طيبتي فيه؟! وكيفاش قسمتي الكيكة إلى قطع؟! ماقدرتش نيماجينيها في راسي
ممكن تشرحيلي؟!
صحيتي حبوبة.
|
ربي يحفظك اختي
طيبت في مول دائري عادي
كيما فهمت روز بالضبط
بعد ما طابت وبردت قسمتها بالموس الى قطع عشوائية هكاك برك هههه
ومن بعد جبت المغطة تاع الطاجين لانو شكلها اسطواني غلفتها من داخل بالبلاستيك الشفاف
وحشيت بالكيك وسقيت بالشيكولا // كون ماتسقيش تجي ناشفة ماتتكلش واحتمال كبير ماتقدريش تغرسي البوبية هههه
ومن بعد طبقة من الكريمة وهكذا
باش كي نقلبها نتحصل على شكل هرمي نوعا ما
غدوة باذن الله نصورلك الغطا تاع الطاجين
—-
الف شكر لكن اخواتي ام خدوج وميمي وروزيتا وملاك وسميرة ..ربي يبارك فيكم
خليني نكملك لهيها خير هههههههبصح طلعتيها روعة تسلم الايادي وربي يخليك لولادك وتفرحي بيهم دايما