اخواتي اليوم جبتلكم حلوى السيار وهي جديدة لكني لم اصور مراحل العمل المهم نحطهالك وشوفيها
المقادير
250غ زبدة+3بيضات +2 ملاعق اكل سكر رطب+كاس نشاء كبير+ملعقة اكل خل+1خميرة حلوى+1فاني وشيحي بالفرينة
احكمي العجينة وخرجيها من السيار الخشين او سيار الزرع كيما نقولو احنا في الشرق وباه نقرب اكتر اللي تفتلو بيه البركوكس
المقادير
250غ زبدة+3بيضات +2 ملاعق اكل سكر رطب+كاس نشاء كبير+ملعقة اكل خل+1خميرة حلوى+1فاني وشيحي بالفرينة
احكمي العجينة وخرجيها من السيار الخشين او سيار الزرع كيما نقولو احنا في الشرق وباه نقرب اكتر اللي تفتلو بيه البركوكس
ومن بعد طيبي هداك الفتات وحركيه مرة على مرة حتى يحمر ثم عاودي سيريه في نفس السيار
وزيدي معاه نصف الكمية اي نوع من المكسرات عندك انا استعملت النواد كوكو
ومن جهة اخرى احكمي كاس كبير من المعجون ونص ماء الزهرولمي بيه خليط القاطو الفتات مع المكسرات
وشكليه ممكن كويرات او اطرحيه في سنيوة ولما يبرد ويتماسك قصيه وانا هنا شكلته بطابع المعمول والدوق منحكيلكش روعة
مجرباتو وصالح 100ب100
صحة وهنا
يعطيك الصحة اختى على الوصفة
يعطيييييييك الصحا حبيبتي
وصفة راااااائعة
شكرا على الوصفة ..
جاري لتجربة ..
جاري لتجربة ..
يعطيك الصحة
بارك الله فيك
يعطيك الصحة حبيبتي بارك الله فيكي
كيفاش ليطيب؟؟؟تحطيه فالفرن؟؟؟
يعطيك الصحة أختي على الوصفة الجميلة
بصح الصورة غير واضحة وصغيرة جدا
لكان عندك صورة شوي كبيرة حطيها
عندي وصفة مشابهة بصح العجينة نرابيوها في لا راب تاع البصل
ونرابيوها مباشرة فوق الصينية ونطيبوها ومن بعد نحاولو نفتت القطع من بعضها
ونزيدولها المعجون تاع المشمش + الكاوكاو + شوي جلجلان حب محمص + شوكولا سوداء
ونهزو بملعقة ونحطها في لي كسيت وإسم هذا القاطو لي روشي وبنتو روعة
بصح الصورة غير واضحة وصغيرة جدا
لكان عندك صورة شوي كبيرة حطيها
عندي وصفة مشابهة بصح العجينة نرابيوها في لا راب تاع البصل
ونرابيوها مباشرة فوق الصينية ونطيبوها ومن بعد نحاولو نفتت القطع من بعضها
ونزيدولها المعجون تاع المشمش + الكاوكاو + شوي جلجلان حب محمص + شوكولا سوداء
ونهزو بملعقة ونحطها في لي كسيت وإسم هذا القاطو لي روشي وبنتو روعة
|
صباح النور اختي
بعد ما يخرج من السيار فتات صغيور وزعيه في سينية الفرن ودخليه يطيب وحركيه مرة على مرة حتى يحمار