هاد الgاتو درتو عندو ايامات لكن غير اليوم للي قعدت نحطو
راهو زاكي وخفيف
المقادير:
للعجينة:
4 كيلات فرينة
كيلة زبدة
قرصة ملح
شوية ماء
الحشو:
3 كيلات نواد كوكو = جوز الهند
كيلة سكر
شوية خميرة تاع الgاتو
و6 بيضات
الكيفية:
خلطي الفرينة مع الزبدة وشوية ملح
وبللي بالماء حتى تتحصلي على عجينة طرية
أتركيها مدة لترتاح
للحشو
أخلطي جوز الهند مع السكر وأضيفي القليل فقط من الخميرة ( قرصة برك مايش باكي كامل)
ثم بللي بالبيض حتى يتجانس ( مايش شرط 6 بيضات كامل علا حساب كبر البيض)
ضعيه جانبا ثم قومي بحل العجينة
بواسطة الألة لازم تجي رقيقة
أنا حليتها في 5
قومي بدهن ليمول بشوية زبدة باش متلصقش فيهم العجينة
ثم
املئيها بالقليل من الحشو( متعمريش بزاف باش ميسيحش)
حطيها في الفرن على درجة حرارة متوسطة
لما يصفارو الحواشي نحيها
خليها تبرد شوية وأسقيها بعسل سخون وذري عليها شوية نتاع فستق = بيستاش
وهذا شكلها النهائي
راهي بنينة بزاف وزاكية نتمنى تعجبكم وعذرا على رداءة الصور هدا واش خرج موبيلي:cursing:
وبالهناء عليكم
حلوى رائعة ومشهية في انتظار المزيد
بارك الله فيك
|
|
ربي يخليك حبوبة
|
|
حبست لكويزينيار:crying::crying:
شريت لعضام وبقيت نستنا
غدوا ندير هداك بسكوي رولي نتاعك:001_wub::001_wub:
ربي يخليك حبيبتي
|
والله فرحت كي شفت موضوعك وعجبني بزاااف
المهم ماراحوش العظام باطل :biggrin:
في انتظار تطبيقاتك عزيزتي