العجينة :
5 كيلات فرينة
1 كيلة سمن
1 بيضة
فانيليا
وتجمع بماء الزهر
ملون احمر واخضر
حبيبات لماعة
الحشو :
3 كيلات لوز مفروم متوسط
1 كيلة سكر
ماء زهر حسب الحاجة
.وفي الاخير 1 كغ من العسل
نحضر العجينة وترتاح لمدة ساعتين او اكثر
ثم نفردها بالنشاء "المايزينة"
نحلها بالالة في تاني ارق سمك
ندهن الصينية بالسمن ثم تفرش بسبعة طبقات منالعجين مع دهن كل طبقة بواسطة الفرشاة والسمن
نضع طبقة وفيرة من الحشو اكيد بعد مزج المكونات
نصب فوقها قليلا من السمن
ونواصل وضع الطبقات الست العلوية
مع دهن كل واحدة
ثم نزينها بالعجينة الملونة الخضراء والوردية
خلافا بعد تمريرها في الالة (كيف الرشتة)
وفي الاخير نقطعها مربعات او معينات حسب الرغبة
ونقوم بتزيينها ب وريدات صغيرة وحبة لوز
ندهنهنا بالسمن بكمية وفيرة
والى الفرن المسخن مسبقا "230 درجة مئوية"
بعد نضجها نصب عليها العسل وهي ساخنة
وترك ليلة كاملة لكي تتشرب
والف صحة وهنا
ان شاء الله تعجبكم وماتضحكوش عليا..
تحياتي
نعرف جده مليح هذا القاطو باسكو عندي معاه ذكرياااات
هو مليح مي وكان جا بدوون عســــل باسكو يضر بالعسل ويصرررع
راك ساجية بنت عمي ربي يبارك فيك
الالوان باهية يعطيك الصحة الاكتب ربي وفق نعمل هدو اللونيين قولي اميين
بصحتكم
ما شاء الله كل يوم صنعة حلوة ههه
في متابعة كل جديد منكِ
أرق و أحر التحيآآآآت لكِ..
|
هههه باين انت من جماعة يديماري مايديرش لاري
علابيها تتصرع ههههه
خلاص نولو نديرولك بقلاوة لايت لا دهن لا عسل… فطير يعني ههه
هك ماتتصرعش
شكرا موح ربي يخليك خيي
|
|
ان شاء الله تديريها والاكيد انها تجييييك رووووووعة
انا رهبت الالوان فالاول وخفت وحلفت فيا امي ههه
ممبعد فرحتني النتيجة
وفالواقع الوانها احلى خانتني الاضاءة برك فالتصوير
شكرا يا غالية