لمحبي تليتلي وباه تنوعو شوية ، طريقة خفيفة وسهلة ولذيييييييذة عجبتني حبيت نشارككم بيها
حمصت حوالي 500غ تليتلي في مقلة، ثم غليتو بالملح حتى طاب، صفيتو وخليتو يقطر
وجدت لحم مرحي كيما للبوراك
قطعت—-مانرحيش ومانرابيش—- قطعت بصل رقيق كمية مليحة، انا درت 3 صغار، وذبلتو مليح في الزيت مع رشة ملح
لما ذبل زدت عليه حوالي 250 غ لحم مرحي وحركت حتى طاب ثم عدّلت الملح وزدت فلفل اكحل، نحيت من النار واضفت كمية مليحة معدنوس مقطع ، في الصورة جاني قليل زدت قطعت، حركت وخليتو
ذوبت زبدة امممممم ممكن 50غ او اكثر عينك ميزانك، مع 4حبات لافاش كيري، ثاااااااني عينك ميزانك تحبي تزيدي تحبي فرماج الميزان
كي ذابو فرغت عليهم تليتلي وخلطت باه شرب هذيك الزبدة والفرماج
فرغت نصف الكمية في مول، فوقها اللحم مرحي، ثم غطيت بتليتلي
رابيت عليه الفرماج ودخلتو للفور غير يذوب
راه يجي خفيف خفيف ومايتشبعش، ان شاء الله تجربوه ويعجبكم 
واذا ماعجبكمش ديرو دوموند نديرلكم تعويض ههههههه
شكرا لحسن المتابعة
نجربو اخت امنياتي ونردلك الخبر
اممممممممممممممممممممممممممم
يعطيك الصحة ام زاكو
ممم يعطيك الصحة اختي
وصفة رائعة ان شاء الله نجربو ونرجع عليك
عندي لي مايحبش البصل والدبشة
تاني كيفاش ميعجبناش انت لي عملاه ماشي زكزوك هه
بصحتك وصفة هايلة تسلم الايادي
تسلم الايايد
بارك الله فيك و جزاك خيرا