ان شآء الله كآمل بألف خيــر
اليوم حبيت نشآرككم بطبق
غرآتـآن اللوبيآ الخضرآء
حنآ فالدآر مآكُــنآش نآكلوهآ ، غير بآبآ ومآمآ 
بصح من نهآر رجعنآ نديروهآ بالطريقة هدي
نآكلوهــآ كآمل ومآتقعد حتى تفتوفــة 
- 1 كلغ لوبيآ خضرآء
- 3 حبآت بصل متوسطة الحجم
- وبصلة صغيرة أو نص بصلة كبيرة للحم المرحي
- 3 حبآت طمآطم متوسطة الحجم
- 300 غ لحم مرحي
- ملح
- فلفل أسود
- كروية
- معدنوس
طريقــة التحضيــر :
- ننظفو اللوبيآ ، نملحوهــآ ونحطوهــآ تطهى { تفور }
- نقشرو البصل ونقصوه بهذآ الشكــل :
- ننظفو الطمآطم تآعنــآ ونقصوهآ مكعبآت صغيرة
- ونحطوهم يتقلآو فوق نآر هآدئة
- من جهة أخرى نحضرو اللحم المرحي ونقليوه علبآلي كآمل تعرفو الطريقة
مع البصل والمعدنوس ، الملح والفلفل الاسود والبهآرآت كل وحده والي تحب
- نجيبو pــلآ تآع الفوور ندهنوه بالزبدة
ونبدآو نحطو فيه المقآدير الي وجدنآهآ
- أولآآ نحطو اللوبيآ المطهية كــآمل ، ونحطو فوقهآ شويآ فلفل أسود مع الكروية
- نكملو مع البصل المقلي ونديرو طبقة فوق اللوبيآء
ونعآودو نحطو شويآ فلفل أسود مع الكروية
- وامبعد نحطو طبقة الطمآطم المقلية ، وكيف كيف نحطو فلفل أسود مع الكروية
- وأخيرآ نحطوو اللحم المرحي المقلي ، ونديرو فوقهآ شويثح فلفل أسود وكروية
mais بكمية أقل من الي درنآهآ الأول
ملآحظة بخصوص الفلفل الأسود والكرويـة :
انآ الفلفل الأسود نحط بين صبآعيآ بركـ ، والكرويـة نحط بزآآآف
بويسكـ السر في بنة هآد الغرآتآن هو الكروية 
ونورمآلمون فالأخير نديرولهآ الفرمآج غآpــي من فوق ، أنآ كنت دآيرآته مآزآل كآين
كي رحت نحطه لقيته بـــح مآحطيتش 
- ندخلوهآ للفور مدة 20 دقيقة في درجة حرآرة 200
وهنــآ كي خرجتهآ
ملآحظة صغيورة بركـ:
وحده مآتقولي امم تشهي آي مآتبآنش تشهي 
تحيــآتي 
خاصة في رمضان والسخانة جزاك الله منا كل خير
الله يبارك في عمرك اسمحينا شقيناك معانا
يجعلها في ميزان حسناتك يا رب
مممم يعطيك الصحة
وفكرة مليحة
امم تشهي
يعطيك الصحة صح باينة تشهي
انا طريقتي نغليه شوي برك قيس واش يهز الغلية ونقليه حتى يطيب ويحمار وندير صوص خاثرة بيضاء بالجاج ولا اللحم ونحط فيها ونقسم حبات طماطم ونقفل عليه الكوكوت يجي هايل بصح ما نكثرش الماء لانو اصلا طايب والطماطم تزي تطلق الماء تاعها
مشكورة حنونة على الطريقة جاء قراتان هايل ان شاء الله اعتمد الطريقة
شو الناس كي تفحال
قريت العنوان حرت في اللوبيا الخضرا قلت هادي معندناش حنا
وهيا عندنا اسمها الفازولا ههه
حتى في الدار ميحبوهاش ونطيبوها غير مرقة وديما تبقى
مالا هادا الغراتان أحسن بكتير
نعود نديرهالهم هك ومادابيهم يقعدو ميحبوهاش انا برك نحبها ههه
يعطيك الصحة ميسو طبق يشهي راكي شيفة يالالة
ان شاء الله كامل لبنات والنساء يستفادو منو خاصة في الشهر الفضيل
|
جربيهآ بركـ وتشوفي مآتوليلكش مشكل
ايه مليحة في رمضآن ، حية ومآتخآفيش منهآ على قد مآتآكليني
يعطيكـ الصحة على المرور ، وعذآركم رآحة ولو هدي اللمة ونآسهآ الغآليين
|
انتي الي يعطيكـ الصحة على المرور
نورتي
|
خخخ هآو قتلكم مآتقولوش يشهي
الله يسلمكـ ، ميرسي على مروركـ
|
اممم الزآليقو أول مرة نسمع بيهآ ، هيآ معلومة جديدة
مآم طريقتكـ مليحة ومآنعرفهآش
بلآمزية ، وان شاء الله تديريهآ وتعجبكـ
ميرسي على مروركـ
|
بويسكـ العآم الي فآت كنآ نديرو عرضآت نحطوهآ صدقيني مكآنش الي مآقآلش بنينة ، صآحب بآبآ عرضنآه مورآهآ بقى 3 ايام
وعيط لبآبآ قآله قولهم فالدآر يعطوكـ لآغوسآث شرحتلهآ للمدآم ومآفهمتش عليآ خخ
مروركـ منور صفحتي ، ميرسي ليكـ
يعطيك الصحة