كانت عندي شفلورة في الفريجيدار
وكل مرة ناجلها هههه اصلي خايفة من الريحة الزكية
لي تطلقها وهي تغلي في الما ههههههه
شفت هذي الطريقة في النات وحبيت نجربها
جات هااااايلة بدون مبالغة
اليكم المكونات وطريقة التحضير
شفلور
ثوم
2 م ك زبدة
معدنوس
ملح وفلفل اكحل
4 بيضات
حوالي كاس كرام فراش
الطريقة
نقطع الشفلور الى زهرات متوسطة
نغسلهم مليح ونحطهم يفورو في كسكاس
واغلقي بالغطا على الريحة الرهيبة هههه
وكي يفور يجي خفيف مش كيما المغلي
يشرب الما ويثقال
بعد مايفور مليح ويطرى
نحضر في مقلة
ثوم مفروم مع الزبدة
بعد ما تذوب الزبدة نضيف الشفلور
والمعدنوس والملح والفلفل اكحل
ونخليه يتشرب كل الزبدة وتدخل فيه نكهة الثوم
ومن بعد نفرغو في المول
نخفق البيض مع الكرام فراش والملح والفلفل الاكحل
ونصبو فوق الشفلور
ثم جبن مبشور او مثلثات اختياري
ندخلها للفرن
وبالف صحة
يشهيييي يعطيك الصحة ندووش على الوصفة
عجبتني البداية ههههه فور والله
كانت عندي شفلورة في الفريجيدار
صبحت عليها شفلورتي غليتها، حتى الزجاج ما نقدرش نحلو خخخخخخخ
اكيد بنينة من يدك ندوش تسلمي يالزين
اليوم بديت درت لاصوص، مرة اخرى نجربها بربي
هادي نكتبها فالاجندة باش نطبقها ان شاء الله
تسلم ايادي
|
هههههههههههههههههههههههههههههه ههه
تشفاي كيفاه كنا نعبرو بكري ههههه ذات يوم جميل كنت اتجول في البيت وفجأة وجدت شفلورة قتلها اليوم نهارك هههههههه
من شكلها تشهي
جاتك روووعة
دورك نسييها
يعطيك الصحة
و بصحتك
|
الله يسلمك وفا ..شكرا لك
|
الله يسلمك حكيك
شفتي الخضرا كل نفوروها وصلنا للشفلور وعمينا عليه
نسيت نقولك صاحبة الوصفة غلاتو يعني هذا الجزء ابتكار ههههههههههههه
|
ماعليك غير تحلي التواقي تتنفس الكوزينة قبل ماتوصل ال3 ويفسد الاستقبال ههههههههههه
جربيه المرة الجاية واعطيني رايك 
|
فرق كبير والله هذاك يغلي يشرب الما وزيد لاصوص ..المورصو يوزن رطل هههه
الله يسلمك سارة ..ربي يحفظك