وش راكم
ان شاء الله تكونو بخير يا رب
اليوم جبتلكم طريقة روطي جديدة
و البنة وش نقوليكم امممممممممممممممم
توكول يديكم وراها ( حوحو يشكر روحو )
الطريقة:
6 كعبات بطاطا قشؤيهم و قصيهم مدورين و اقليهم
تحتاجي فرمام الميزان
و صدر نتاع الدجاج طيبيه في صوص بيضاء
الكوكوط ديري فيها الزيت الملح الثوم البصل و فلفل أكحل و لكليل يعطية بنة هايلة
قلي و امرقي بالماء
و اققفلي عليها يطيب
كي يطيب الدجاج فتفتيه كبير شوية و خليه على جنب
خلي لاصوص تاع الدجاج تبرد و صفيها من البصل
جيبي المول تاعك ولا سنية
ديري طبقة بطاطا
طبقة فرماج
و طبقة دجاج
و اقفلي بطبقة اخرى بطاطا
و خليه
ضرك نحضرو البيشاميل لكن على طريقة جديدة
في قصرونة ديري 3 مغارف زبدة ذوبيهم على نار هادئة
و من بعد نحي كصرونة من النار و خلطي معاها 2 مغارف فرينة و رشة ملح
و رجعي الكصرونة للنار
و بالشوية تصبي لاصوص تاع الدجاج الي صفيتيها
بشوية باش متتكعبرش
و ديريها جارية متديرهاش ثقيلة
و من بعد صبيها على المول نتاع البطاطا
و دخليها للميكرو وند نص ساعة على درجة عالية من الحرارة
و النتائج تكون هكذااااااااا
هذا كي حطيتو في ميكرو وند
و هذا كي خرجتو منوووو
و هذا كي قسمت هههههه
و بالصحة و الهناء
يمممم طبق يشهي الله يبارك
شكرا على الوصفة يعطيك الصحة خيتو
موالفة نديرها مي ماشي بالبيشاميل
نجربها باذن الله سيرثو بالبيشاميل الطريقة لجديدة
شكرا على الوصفة الشهية
بصحتكم و يعطيك الصحة
يعطيك الصحة حنونة على الوصفة
ننتظر جديدك حبيبتي