مساء الخير اخواتي وش راكم ؟
طبخت اليوم بطاطا كوشة وحبيت نبدللها اللوك شوية ههه
آي جات تهبّل
قلت نحطهالكم تشوفوها وقولولي رايكم
hay:
نبداو على بركة الله
المقادير:
بطاطا بقدر عدد افراد عائلتك
ملح
فلفل اكحل
فيونداشي واذا ماكانش ماتقلقيش روحك :rolleyes: نورمال يصلح بلا فيونداشي:rolleyes:
دبشة
جزر مبشور
طماطم مصبرة وطماطم حب ثاني اذا كاين
زيت وخل كيما موالفين (نص بنص)
قارص
3 بيضات
جبن
ماء باش نمرقو لاصوص
ثوم وبصل مفرومين
زيتون اخضر
التحضير:
بطاطا لوحيها تغلي في الما لكن ماتطيبيهاش ، جيست تبدا تطرا نحيها باه مبعد كي نقصوها ما تتفتتش
من جهة اخرى حطي الفيونداشي + فلفل اسود +ملح + زيت + خل وخليهم يتقلاو شوية هك ضيفيلهم الثوم والبصل
ومبعد زيدي ضيفي الجزر المفروم (انا درت 2 جزر)+الزيتون بعد ماتكوني قصيتيه اجزاء صغيرة وغليتيه شوية في الما باش تتنحالو الملوحية تاعو
قليهم مليح وماتضيفيش الما
*درك نجيو للحشو: جيبي كاسرونة حطي فيها جزء من هذا الخليط وضيفيلو 2 بيض+ دبشة مقطعة
*والجزء لوخر زيديلو 1 طماطم حب مرحية + ملعقة كبيرة من الطماطم المصبرة ومبعد مرقيها بالما السخون وخليها تكمل تطيب بعقلها
جيبي البطاطا تاعنا ونبدا الخدمة
كل بطاطايا قطعيها اجزاء مي مالازمش تنفصل ولاكان انفصلو اجزائها في البداية تجيك شوية صعيبة حاولي اخدمي بلعقل برك
واملاي الفراغات بالحشو لي حكينا عليه بالشوي برك باش ماتتفتتش
تجيك كيما هك
حطي ثاني الفرماج لكان حبيتي بين الفراغات مع الحشو تاعنا
سخني الفور تاعك
ادهني البلاتو بالزبدة وحطيهم هكذا
ادهنيهم من فوق بالزبدة والفرماج
وخليها تطيب
كي تشوفيها تحمرت من تحت شعليلها تكمل تطيب من فوق
اذا حبيتي نحي للجماعة لي يحبوها بلا لاصوص
ونكملو نطيبوها نورمال
اسقيها بلاصوص لي تكون صاي وجدت
وخليها تزيد تطيب معاها شوية باش تولي بنين خير وخير
وهذا شكلها النهائي
يمممممممممم
شهية طيبة
ولاتنسو الدعاء لأختنا هبة :re_gards:
لكن حبيت نفهم هادوك الاسياخ علاه عملتيهم من تحت
|
هههه ربي يحفظك حبيبتي ام خديجة، الله يسلمك ، نورتي heer::re_gards:
|
الله يسلمك حبيبتي
نورتي :re_gards:
|
الله يسلمك حبيبتي
رشقتهم في البطاطا باش ماتتفتتش سيرتو كي نسقيها بلاصوص :rolleyes:
|
الله يسلمك اختي مسيلية ربي يحفظك،، نورتي :re_gards:hay:
خموس عليك