بدون اطالة نخليكم مع الطريقة
قبل كل شئ اغسلي الروز عدة مرات وحكيه بيديك حتى يصفا الماء تاعو ثم غطيه بالماء خليه على الاقل نص ساعة
روحي وجدي لاصوص حطيها تطيب وحطي بيضات يغليو واغسلي كاش ميعنات كسع ولي غلي الروز مع الملح خليه يطيب شاد روحو صفيه وخليه يقطر مليح
جاج حسب الحاجة من الافضل لفخاذ انا غير شوية ماتديروش عليا هههه
ما تقليهش وحدو ديري كلشئ مع بعض
بصلة مقطعة رقيقة+كسبر مقطع+معدنوس مقطع نفس الكمية+مغرفة كبيرة طماطم مصبرة+مغرفة زيت+فلفل اكحل +سكنجير مغرفة صغيرة+مغرفة صغيرة ناقصة شوي خرقوم(كركم)+شوية برك ملح لانها تطيب بلا ماء
دري كل شئ مع الجاج على نار قليييييلة وغطيها خليها تطيب بفارها حتى يطيب الجاج
نحي الجاج ادهنيه بزبدة وحمريه في الفور انا عجزت نشعل الفور على هاذوك لعظام هه
ديري حوالي 2مغارف زبدة يذوب ثم فرغي عليه الروز وقلبيه على النار حتى يشرب الزبدة عندها هزي من لاصوص وحطي على الروز وحركي باش تعرفي اذا تزيدي لاصوص ولا لالا
قدميه مزين بالجاج محمر والبيض
ملاحظة
-زيدي سنة ثوم نسيتها
-الذوق والبنة في التوابل اذا بدلتيهم ممكن تخرج وصفة اخرى
-اذا ما عندكش اما حشيش او معدنوس اما تروحي تشري او ماتطببيهش
cared:
-يمكن اضافة نصف فنجان ماء لاغير
-مافيهش طماطم حب
-للامانة انا زدت شوية طماطم ماشي غير هذيك المغرفة
بصحتكمheer:
نموت على الروز
لا تتجرب
بارك الله فيك
ان شاء الله نعمله على القريب