السلام عليكم اليوم جبتلكم طاجين الزيتون بصح المرقة بيضاء المقادير:انا درت كيلو زيتون كل واحد يدير على حساب افراد العائلة انا غليتو مرتين فقط ماهوش مر بزاف حطيتو في القدر وزدت حبة بصل بصح منقطعهاش قشريها وخليها كيما راهي وحطيها في القدر مع اللحم انا درت دجاج وحطي مغرف صغيرة ملح+نصف مغرف فلفل اسود+مغرف ونص زنجبيل+انا نطيب بالسمن درت مغرف كبيرة سمن واللى يحب يحط الزيت يحط 2 مغارف زيت+شوية ماء وخلي لحم الدجاج تتقلى مليح مبعد ماغليتي الزيتون وقليتي لحم الدجاج حطي مقدار 4 اكواب ماء سخون ومبعد حطي الزيتون و2 اوراق الرند والفطر بعد ماتكوني قليتيه شوية في الزبدة وغلقي عليها وكي تنقس كمية المرقة يعني كي تبقي النصف تاع الماء الي حطيتيه طفي عليها وشهية طيبة ان شاء الله يعجبكم طيابي راني نسنا في ردودكم :heh:
مشكورة اختي على طجين الزيتون هدي وصفة جديدة عليا انشاء الله راني نجربها تاكلوه بالصحة و الهناء
مشكورة على الوصفة
يعطيك الصحة
يعطيك الصحة
وصفة رائعة والنتيجة اروع
بارك الله فيك
بارك الله فيك
يعطيك الصحة على الوصفة باين عليها هايلة
تسلم ايدك
مرسي يعطيك الف صحة حبيبتي
|
شكرا ليك اختي كوثر على المرور ربي يخليك
|
شكرا اختي حكيك ربي يخليك
|
وفيك البركة اختي ام ندى شكرا على المرور
|
بلا مزية اختي شكرا على المرور