اليوم جيتكم بوصفة لتحلية غنية عن التعريف الباناكوتا الايطالية
اكيد سمعتو بيها او شفتوها فالنت . انا فالاول خفت نجربها لكن بعدما جربتها حسيت بلي فاتني بزااف
المهم بلا مانكثر عليكم نعطيكم المقادير ماتطلبش بزاف حوايج و خطوات
المقادير
2 كوب كريمة طازجة " اي ماركة تحبو انا حوست على الظهير بما انها سعرها مقبول مالقيتش شريت هوبلا "
نصف كوب سكر
1 ملعقة كبيرة جيلاتين غبرة مذابة ف 3ملاعق ماء ساخن
1 ملعقة كبيرة لافاني
للتقديم
كولي تاع الفراز
5 او 6 حبات فراز كبار
2 او 3 ملاعق سكر عادي
شوية ماء
التحضير
غلي الكريمة والسكر وبمجرد ماتبدا تغلي برك نحيها مش لازم تفيض و ذوقيها اذا تحبي الحلاوة بزاف زيدي السكر .
اضيفي الجيلاتين المذاب و حركي ورجعيها فوق النار مع التحريك 2 دقيقتين برك و نحيها و اضيفي لافاني وحركي ادا بانولك حبيبات صفيها برك
افرعيها مباشرة فليرامكان او ليمول يكونو صغار شوية لانها كريمة دسمة " انا استخدمت ليمول تاع السيليكون تاع المادلان .
دخليه للثلاجة ليلة كاملة و كي تجي تقلبيه حركي الحواف بالموس وقلبيه و قدميه مع الكولي تاع الفراز او ممكن تقدميه مع صوص كاراميل
تحضير الكولي
خلطي السكر والفراز والماء و ميكسيه مليح باش تتحصلي على بيري تاع الفراز يكون شوية خفيف وحطيه فوق النار يغلي لبضع الدقائق فقط مش لازم يولي خاثر كيما المعجون وخليه يبرد ملييييح
ملاحظة: في مكان الجيلاتين تقدري ديري فلان ذوق فاني
نتمنى تجربوها لانها فعلا تستاهل
شهية طيبة
يــــــــــــآأآأ راهي تشهي .. جــآأتك هااايلة
والله غيـــــــــــر ..
TOPيعطيكِ الصحة أختي ســــآآآرآ
و مشكورة للي لبتينــآ الطلب ..
ننتظر بــآأقي الوصفــآأت هيهي ..
ربي يجــآآزيك .. شكرًا ~
مليح قلتلينا نقدرو نعوضو جيلاتين بالفلان
بصح واش ندير في بلاصة الفريز لانو ماكانش هنا 
يعْطيكْ الصحَة أختْ سآرَة علَى الوَصفةْ
إنْ شآءْ الله نجربْهآ في أقربْ وقتْ ..
مشْكورَة ،
|
بلا مزية حنونة ولووو هادا اقل شيء نعملو لاني فعلاا استفدت من المنتدى والعضوات بزاف
نورتينيييي
|
ميرسي الزين . بالاكي ماطبقيهاش
هههههه اواه نعرفك فحلة و ديريها خير من تاعي 
|
يسلمك حنونة
|
يسلمك اختي
|
يسلمك اختي
تقدري تعوضي بالكاراميل تاني تجي بنينة و في وقت الفراز جيبي كيلو اغسليه و نحيلو الشابو و كونجليه حبات هاكداك تحتاجيه فالعصائر ولا حاجة كيما هادي " وانا هادا وش درت الحبات الاخيرين فالكونجيلاتور جبدتهم "
|
شكررررااا ام احلى هادي
نورتيني بردك 
|
العفو حنونة
ان شاء الله تجربيها وتعجبك
منورة