اليوم حبيت نوريلكم طريقتي في عمل لاجولي تاع التفاح
إن شاء الله تستفادو بيها
المقادير :
كمية من قشور و لب التّفاح
حبة قارص
السكر ( لكل حبة تفاح ملعقة كبيرة سكر )
الماء
الطريقة :1 ـ في كاسرول نضع قشور التفاح و اللّب + عصير القارصة و قشورها + الماء حتى يتغطاو القشور .
2 ـ و نضعها على النّار تغلي، لمدّة 30 دقيقة .
3 ـ انحيها من النّار و نصفيها .
4 ـ نضيف لها السكر و نعيدها إلى النّار لحوالي 30 دقيقة أخرى .
5 ـكي تبدا تطلع فالرغوة زيديلها 5 دقايق و طفيلها .
6 ـ للتأكد بلي راهي مليحة نفرغ قطرات في صحن و ندخلها للثلاجة للحظات فقط …. نخرجها و نشوف القوام إذا مناسب .
7 ـ نفرغها في علبة ….. و نضعها في الثلاجة تبرد .
8 ـ ها هي واجدة :
9 ـ دعواتكم لي بالهداية و الثبات .
ملاحظة :
ممكن نخلوها تزيد تعقد مليح … حتى تولي تتعلك …. و نفرغوها في قوالب سيليكون و نقدموها كحلوى للأطفال .
اسمحولي يا لبنات …. عييت نحوس على الصورة بعد ما نحيتها من ليمول …. ما لقيتهاش ….
الظاهر راحتلي …. آسفة
ممكن افكار عن استعمالاتها؟؟ ولا يعني نستعملوها عادي كي la gelé اللي نشروها؟؟
ووو من فضلك ! ما معنى لب التفاح؟؟؟ يعني التفاحة كاملة؟؟؟؟
|
عن نفسي نحشي بيها البريوش …. أو نقدمها مع الكرواسون
لا ماشي التفاحة كاملة …. و لكني قصدت هذا :
|
فهمتها
و
جربتها
و
خرجت هـــــــــــــــــــــــــــــ ــــــايلة خير م اللي موالفة نشريها 
يعطيك الصحة
|
آمين
سعيدة لأنّها أعجبتكِ …. و شُكرا على الرّد