ها ليكم حريرتي
انا حريرتي بنينة بزاف 
حوحو يشكر روحو
ايا اخواتي هاي ليكم المقادير
حمص تقريبا 250 غ هاكك
لحم تاني موش بزاف يبنن برك و تقدري تستغناي عليه في حالة ايلا ما عندكش ديري كنور تاع خروف
2 حبات بصل احمر و 2 حبات بصل ابيض هااااااا الكل راح يقولي علاه لانو وحدة تجي حلوى و وحدة حارة و البلصة هيا لي تطبع لحريرة
جزر اووو انا ما تجينيش حريرة بلا زرودية ديري 5 و لا 6
حبة كبيرة بطاطا ويلا صغيرة ديري 2
2 حبات طماطم
قصبر و معدنوس انا نقيتهم و غسلتهم و درتهم بدون تقطيع
ملعقة كبيرة طماطم معلبة + م ك تشكيلة توابل + زعفران + ملح + زيت
لتر ماء الى لتر و نصف في البداية
احسبيلها نص ساعة بعد ما تصفرلك كوكوطة و لا شوفي انتي و كوكوطتك
فهاد الوقت نوجد 5 ملاعق فارينة و ملعقة مايزينة نضيفلهم ماء و نحللهم
كي طيب نحي اللحم قطعيه و باقي الخضر ووو ارحي كلش بالروبو و حتى القصبر و المعدنوس رحيهم ماراحش يبانو ابدا
بعدها نضيف الما للقدرة مع الخضر المطحونة و نخليه حتى يوصل درجة الغليان
هنا نضيف خليط الفارينة و المايزينة او الفرينة و بعد 10 دقايق ضيفي تشيشة و لا شوربة انتي و واش تحبي
فهاد الوقت نزيد شوية قصبر نقطعه و نعناااااااااااااااااااااااااع الفطور سر نجاح حريرتي ما تقولو لحتى واحد بيناتنا برك خلوه سر
و نبقا نحرك فيها كل مرة حتى تفوت نص ساعة و تكون واجدة
و بصحتكم اخواتي نتمنى تكون عجبتكم
ينقل لركن الاطباق الشوربات الحصرية
و شكرا على النقل
ان شاءا لله نجربها
|
الشكر لكي اختي
ان شاء الله تجربيها و تعجبك