جربت عجينة تصلح للمعجنات والسندويتشات….شفتها في واحد المدونة تاع طبخ نشكر مولاتها على كلّ حال.
قلت نجيبهالكم للي متعرفهاش تعود تستعملها .
المقادير:
5كيسان فرينة
2 مغ ص خميرة الخبز
مغرف ك سكر أو أقل (حسب ملوحة أو حلاوة العجينة أو الوصفة )
1بيضة
مغرف صغيرة ملح
3 مغ ص زيت
ماء
أنا دوبليت المقادير
***
تخلطي كلش مع بعضاه
*****
الطريقة :
تبلي وتعجني
حتى تشكلي عجينة متماسكة
*******
تغطيها على جنب بعد ماتغطيها وتلوحيها في صاشي
******
العفسة السّحرية :
هنا عجبتني
تحطي الماء يغلي في برمة ولا كاسرونة
كي يغلي مليح تطفي عليه
وتجيبي العجينة تاعك تحطي فوق البرمة حاجة أنا درت كسكاس
وغطيتها بصاشي من فوق وخليتها تطلع مليح
****
*******
*******
*********
من مباعد خدمت بيها بيتزا
************
******************
**************
*****
****
******
يعطيك الصحة ساندي االعجينة باينة خفيفة ومرنة
اما طريقة تسريع الاختمار هايلة …كاين لي يسخن الكوشة ويحطها تخمر وكاين لي يحط برمة فيها ما يغلي في الكوشة ويحط العجينة تخمر
تسلم الايادي شوشو.
|
اهلا ام ندوش
تاع الكوشة جربتها في خبز الدار وكانت هايلة
نورتي حبيبتي
|
الله يعيشك اختي
آمين يارب
نورتي الموضوع
يعطيك الصحة ساندي على الإفادة
انا تان ندير هاديك العفسة تع الما سخون خخخخ
وكاين الي يسخن الكوكوط ممبعد يحط العجين الداخل ويغلقها …المهم العقل الجزائري داااايما شغااال فالعفايس خخخ
مرسيييي
|
الله يسلمك حبيبتي شكرا للمرور الكريم
|
خخخخ ايها اليابانيون نحن قادمون
نورتي حبيبتي شهرورة
اما عن العفسة تاع التخمار رايعة
انا عن نفسي ندير في لكوزنيار نسخنها مليح ونطفيها ومن بعد ندخل الحاخة تخمر فيها
مشكوووورة على الوصفة