درت سوفلي مقلي جا بنين يهبل و خفيف
الحشوة : اختياري
أنا درت داند قطعتو و طيبتو بالبصل و التوابل و مبعد طحنتو + بيض مغلي و مبشور + حبة بطاطا قطعتها و طيبتها في الما و الملح كي تبقى شوية ما في الكسرونة تنحي البطاطا و تمرسيها في هاديك الشوية تاع الما بالفرشيطة و تخلطيها مع الداند
فرماج مبشور
العجين :
3 كيسان فرينة + حبة بيض + نصف فنجان زيت + ملح + مغرف كبيرة خميرة خبز + مغرف كبيرة سكر
تخلطيهم مع بعضهم و تلمي بالحليب الدافي
حتى توليلك عجينة طرية خليها ترتاح ساعة
و مبعد خسريلها الخمير و قسميها جزئين
عاودي خليها ترتاح شوية و مبعد ابسطيها بالرولو
قطعيها دوائر و عمريها بالحشوة و جبن مراpي
ديريها على شكل نصف دائرة و زيري الحواشي بفرشيطة و ثقبيها
و مبعد قليها في الزيت تكون سخوونة بزاف بصح كي تحطيها نقصي النار شوية باه تطيبلك مليح مشي تتصهد برك
و هذا شكلها النهائي
تشبه للسمبوسة
بزاف بنيينة ماميشكآ يعطيك الصحة و ربي يخليك لينا
"يسلم اليدين الي عاونوك هههه 
"
يعطيك الصحة اختي وبصحتكم
عجبني مين مقلي كرهت من الحاجة تاع الفور تطول باه طيب
ان شاء الله نجربها
مشكورة حبيبتي يعطيك الصحة
بارك الله فيك
جاوك يهبلو الله يبارك
تقبلي مروري
بربي ان شاء الله نجرب الوصفة في أقرب وقت
يسلمووووو
جاك هايل
موالفة نديره بصح نطيبه في الفرن
إن شاء الله المرة الجاية نقليه
يعطيك الصحة