كعك تركى 2024.

السلام عليكم
لقيت وصفة ساهلة للكعك التركى فى احد المنتديات جربتها جات هايلة ان شاء الله انتم ثانى تجربوها وتقولولنا رايكم
المقادير
كاس رايب
كاس ماء دافئ
كاس زيت
1بيضة
2مغارف سكر واللى يحب الحلاوة يدير نص كاس
مغرفة صغيرة ملح
مغرفة اكل خميرة الخبز وانا اضفت 1خمارة قاطو
لافانى وقشور اللليمون
والفرينة ديرى حتى 6 كيسان فرينة يمكن اقل يمكن اكثرعلى حسب نوعية الفرينة

نخلط جميع السوائل ثم الفرينة والخميرة نعجنها شوية ماجيش تلصق فى اليدين اجى رطبة نخليها تخمر
بعدها نقسمها كران صغار ونلوى زوج مع بعض نشكل مسيسة الوصفة تقول نغطس الحبات فى مغرفة عسل اسود اللى هو دبس السكر مذابة فى كاس ماء ثم فى الجلجلان
اختصرت ودرت خلطة التلميع االمعروفةعندنا اللى هى صفار بيضةشوية ملح مغرفة نيسكافى او القهوة طايبة لافانى 2مغارف حليب ونذرى الجلجلان. واللى ولادها مايحبوش الجلجلان تذرى السكر
ممكن تحليها وتحطى معجون او فرماج او شكولا فى الوسط يدوها الاطفال معهم كلمجة
وشهية طيبة

naam edji hayel

ya3tik ssa77a jak machalaah
mais wechno howa rrayib?
merci 7ennona

rabi yhanik teslemi habibti
rayeb =lben li naklou bih couscous sinon diri yaourt naturel

شكرا على الوصفة

الله يسلمك حنونة