اليوم حابة نشارككم وصفة التورت برغر ، الحقيقة العايلة كامل تحب هذي الوصفة نتمنى نتوما
تاني تحبوهانعطيكم المقادير ونبداو مع العجينة :
400 غ فرينة
نصف بيضة
نصف كأس ديال لاتاي زيت
ملح
ملعقة اكل سكر
نصف ملعقة اكل خميرة
وتلمي بالحليب الدافي أو ماء دافي حتى تتحصلي على عجينة لينة ، أنا في الحقيقة درتها في pétrin
من بعد تخليها ترتاح من 30 إلى 45 د .
في هذا الوقت تقومي بتحضير الحشو:
400 غ لحم مرحي
بصلة متوسطة
3 فصوص ثوم
3 طماطم مرحية
نصف ملعقة طماطم مركزة
ملعقة هريسة
ملعقة صغيرة paprika
ملعقة صغيرة كركم
ملح
نصف قطعة جمبو مرق لحم
3 بيضات طايبين في الماء
ربطة معدنوس مقطعة
زيتون مقطع إلى دوائر
فرماج مقطع إلى شرائح أنا أستعملت chef لأني ملقيتش غيرو
تقطعي البصلة رقيقة وتقليها مع اللحم والتوابل والثوم وتضيفي الطماطم المرحية والمصبرة والهريسة وتخليها فوق النار حتى تنشف تماما .
في هذا الوقت العجينة ديالك تكون طلعت ، أقسميها لإثنين وأبسطي الكرية الأولى وحطيها في بلاطو مدهون بالزيت ومرشوش بالفرينة كما تشوفي في الصور المرفقة
من بعد تحطي الحشو : اللحم المرحي من بعد الزيتون المقطع ومن بعد البيضات مربيين ومن بعد المعدنوس ومن الأخير شرائح الجبن
وتبسطي الكرية الثانية وغلفي بيها لا تورت ديالك وخليها ترتاح مدة 10 د بعد ما تدهنيها بصفار البيض وترشي فوقها شوي سنوج .
دخليها للفرن .
وشهية طيييييييييييييييييييييبة 
فعلا تبان هايلة
نجربو في اقرب فرصة ان شاء الله
يعطيك الصحة
ينقل لركن وصفات السندويشات والمعجنات والمخبوزات الحصرية والمجربة
إن شاء الله نجربها
باين هايل ، يعطيك الصحة حنونة