المقادير
مقادير الحشو
نصف كيلو بصل
2 حبات طماطم
2 ملاعق كبار طماطم مصبرة
ملعقتين اكل زيت + ملح + 2 ملعقة صغيرة فلفل حار+ملعقة صغيرة راس الحانوت+ نصف ملعقة صغيرة فلفل اكحل
فلفل اخضر مقطع حسب الذوق وفي الاخير دبشة مقطعة
مقادير العجينة
كيلو سميد + ملح + ماء للعجن+ زيت
الطريقة
نحضرو الحشو
نقطع البصل الى مربعات ونضعه في مقلة على النار + زيت+ ملح +التوابل +طماطم حب مرحية + مصبرة
مع الخلط من حين لاخر حتى يذبل البصل وقبل ما نطفي عليها نضيفلها الدبشة المقطعة
تحضير العجينة
ناخذ السميد ونضيفولو الما بالتديرج مع الاستمرار في الدلك ونزيدولو الملح ونواصل الدلك حتى نحصل عل عجينة طرية ومرنة
ثم نشكلها الى كويرات بالزيت ونتركها ترتاح
بعد ما ترتاح العجينة .يكون الحشو برد( في حالة كان الحشو سخون تتقطع العجينة)
نحل كل كويرة على سطح مدهون بالزيت ونضع الحشو
كما توضح الصورة
نطيبها على نار متوسطة على طاجين او (طاوة)
وهذا هو شكلها بعد ما تطيب
وانا بقالي العجين ودرت بيه مسمنات( نفس طريقة المحجوبة بدون استعمال الحشو)
وهاهي صورتو
وفي الاخير نتمنى كل واحد يشوف الموضوع .يرد عليه قبل الخروج
شكرا على المحجوبة اللذيذة وحتي تاع سوق اهراس يديروها هكا
جزاك الله الف خير
شكرا على المحجوبة بس عندي تدخل بسيط انو المحجوبة البسكرية حسب معرفتي الخاصة انو ما يطبخوش البصلة على النار اي يكون كلش اخضر في اخضر و يظاف لها ايظا شوية تاع الشحم باش تعطي البنة ثم توضع الخليط فوق العجينة وتكون على شكل دائرة و ليس مربع على ما اظن ان هذه المحجوبة البسكرية الاصلية الا في بعض الناس قاموا بتغيير من الروسات اي صاروا يطبخو الخليط و وووو وشكرا على الوصفة
merci ala mahjouba walah shahitina
شكرا جزيلا ياريت كانت واجدة قدامي
بارك الله فيك اختي ندى على الوصفة ما شاء الله عليك شاطرة.لك مني اجمل تحية.
