هل سئمتن من الخبز الصابح؟ 2024.

هذه طريقة سوف تجعلك سيدتي تموتي على الخبز الصابح أنت وأولادك وزوجك لأن زوجي وأولادي يحبوها موت ومانبخلش عليكم بالطريقة السهلة جدا جدا جدا:
– خبزة صابحة مقطعة دوائر لازم يكون الخبز طري يعني مايبسش باه مايتفتتش.
– في صحن غامق خلطي 3 بيضات مع نصف لتر حليب عادي ومغرفة صغيرة قرفة ومغرفة صغيرة لافاني خلطيهم مليح.
– من جهة أخرى سخني الزيت على نار متوسطة باه ما يتحرقوش.
– غمسي كل رونديلة ( دائرة) الخبز في خليط البيض مليح حتان يتشرب وهزي برفق وحطيها في الزيت تتقلى حتان تحمار من الجيهتين وهكذا بالنسبة لكل الدوائر تاع الخبز عندما تنتهين إذا حبيتي تعسليهم ولا تمرديهم في السكر لخشين ولا السكر قلاصي لكي الاختيار.

صدقيني راه هايل لفطور الصباح ولا كي يجيني ضيف ونحصل والله تفكني بزاف ولا مع قهوة لعشية. نسيت راه يسموه الخبز المقلي راهي كيفية عجوزتي ربي يخليهالي نشالله .
ملاحظة: كي نشوف الخبز بقالي صابح وطري نقصو رونديلات ونخبيه مقصوص ونعمل بيه هذه الكيفية.
-كي نتعلم كيفاه نحط الصورة راني نحطهالكم نشالله-

فكرتك فيه شفتي هذيك البنة حبيبتي وراني رايحة نطبق طريقتك نشالله
تعيشي على الرد ومرحبا بيك حنونة.

يعطيك الصحة نفس طريقتي
نتتظر منك المزيد دمتي وفية للركن

مشكورة على الطريقة فكرتيني في ايام زمان كانت ماما ربي يحفظها ديرهالنا بطريقة اخرى وهادي مدة ما كليتهاش ان شاءا لله نديرها على طريقتك

مشكورة على الطريقة

نفس طريقتنا

بارك الله فيك