السلام عليكم درت اليوم روز العشاء أو حبيت تجربه معيا المقادير: 1كلغ روز مفور(هذانوع ينباع في السوق) 1دجاجة مقطعة،كمية حمص منقوع أو طايب،كمية من الجلبانة ،بصلة مرحية ،ثوم مرحية انا نحبها نكثر منها تقريبا نصف راس ،نصف مغرف صغيرة كمون مرحي ؛فلفل أسود كسبر ،زنجبيل ،نصف ملعقة هيل مطحون،عود قرفة،2ورقة رند،قليل من اكركم ،فلفل حار حسب الرغبة كمية من اللحم المطحون إختياري .التحضير: نضع كمية من الزيت في قدر نخلييها تسخن نحط البصل الدجاج نقليها شوية نزيد الثوم والتوابل ونقليهامليح نمرق بماء ساخن نريد الرند القرفة الحمص الجلبانة ونخليها طيب أما الروز نغلي الماء نحط فيه الروز مدة دقيقة نصفيه كي طيب المرقة نحي الدجاج نخدم كرات صغيرة باللحم المرحي لنكون درنالو شوية فلفل أسودوملح ونقليها غير شوية نديرها داخل المرقة نزيد الروز لازم يتغطي قدر 5سم نقص لنأر ونخليه حتي ينشف من المرق نطفي ونحط مغرف زبدة نغلق عليه ونخليه نرجع لدجاج أنا نحب نقليها في شوية زيت وزبدة عند التقديم نحط الروز ونحط فوقو الدجاج نزين بالبيض مغلي والقارص نزيد نحمص شوية لوز ،كاجو ونزين بها طبق إجي هايل نشاء يعجبكم.
emmmm khassin nechoufouh brk kifach khrjlk tesslamine
اختي الرزو حطيتيه في المرق
نعم أختي حطيه في المرقة حركيه خليه يغلي نقص عليه النار أو خليه يشرب كامل المرقة أو متخفيش ميتعجنلكش وجي كل حبة وحدها المهم ديري روز المفور
ياريت تحطي صور شكر اراح نجربو اكيد
شكرا أختي جربيه ولن تندمي
مشكووورة راح نجريوا