جبتلكم طبق من كوزينتنا
اسمو البرانية
وللتحضير يلزم المقادير التالية
دجاج او لحم
بطاطا
حبة بصل
حمص
زعفران
وشوية معدنوس
طريقة التحضير
اول شيء تحطي الدجاج مع البصل المقطع قطع صغيرة
وتضيفي الزيت والتوابل زعفران وتخليه يتقلى مليح
وفي نفس الوقت تقطعي الباطاطا الى دوائر وتكون سميكة شوية وتقليها وتحطيها بجنب
بعد لي يطيب البصل متنسايش مرقي من الحين لآخر بمغيرفة ماء
ولما تصيبي الدجاج تقلى مليح
ضيفي عليه الماء ولازم يكون سخون هكدا باش يجي بنين
متكثريش الناء بزاف
بعدها حطي الحمص الي يكون منفخ من قبل
وخليه يطيب
لما تشوفي انو المرقة نقصت والدجاج نظج
حطي عليه البطاطا الي قليتيها
وخليه بضع دقائق وبعدها اطفئي النار
وفي الاخير حطيلو شوية المعدنوس
لانو لو حطيتيه فالاول يصبح لونه اسود
واذا حبيته يكون بطريقة اخرى
قبل ما تطفئي النار
ضربي 3 بيضات
وفرغيهم بعد الي تحطي البطاطا
وبصحتكم وصحا فطوركم
الماني
شكرا لمروركم الطيب
نورتو صفحتي
سعيدة بتواجدك
تاخذى البطاطا والحمص بالطبقات اى طبقة بطاطا وطبقة حمص وطبقة دجاج بعد قليه وفى الاخير تمرقى بقليل من المرق بعدها تاخذى البيض وتضفيلو المعدنوس والثوم والملح والتوابل والفرماج قرويار ونصف ساشي خميرة تصبيه على الخليط
انه اكثر من رائع ولو ان زوجى لا يحبه لا اعرف السبب……..
|
ربما تتغير التسمية من منطقة لاخرى
لكن البنة وحدة 😎