3 كيلات فرينة
كيلة زبدة او مارغرين دائبة( ماشى معمرة لانهم يتقلاو عينك ميزانك )
1 ملعقةصغيرة من الفانيليا
قرصة ملح
ماء ورد باش تبلى العجينة
طريقة التحضير
ضعى الفارينة المغربلة مع قرصة الملح و اسكبى فى الوسط الزبدة الدائبة حكيها جيدا حتى تدخل الزبدة مع الفارينة ثم بلى بماء الورد مع الدلك و بدون تقطيع العجينة حتى تتحصلى على عجينة متماسكة و طرية سهلة للحلان بالحلال اعمليهم كويرات مثل حبة البرتقال و .اتركيه ترتاح ساعة كاملة مع تغطيتها بالوق الشفاف papier-film..
و بعد دالك حليها بالحلال كما فى الصورة و قصيها بالجرارة او بالسكين الى عدة اشرطة كما فى الصورة
هزى شريط العجينة و اقرصى على الرئس و غطسيها فى الزيت يكون سخون و بداى غير بشوية دورى الشوكة علة العجينة وانت تصبى فى الزيت الساخن ممكن تعاونك وحدة ادا لم تستطيعى التحكم فيها
خليها فى ورق باش تنشف من الزيت و بعدها عسليها و بالناء و الصحة لكل اخت رايحة تجربها راهى تجى خفيفة و ما تتشبعش صدقونى …
راني رفدت الطبسي وهربت به قبل مايلحقوجماعة الخيرههههههه الف شكر على الوصفة الرائعة حبيبتي
يعطيك الصحة
و الله خرجولك رائعيين يعطيك الصحة و ربي يجازيك كل خير
يشهور ومبينين مقرمشين
يعطيك الصحة
الله يعطيك الف عافيه
بانتظار جديدك
جوريه لروحك
هاذي مقرقشات الدبلة نموت عليها