قولولي 2024.

نا حب بزاااف الحلوة مي ما نعرفش نطيب الحلوة قولولي كيفاش ندير:confused1:

مرحبا اختي
يسعدني ان اكون اول من يرد عليك
ماكان حتى واحد يزيد متعلم و اسهل حاجة هي الحلويات نصيحتي لك اخدمي الحلويات او الوصفات المجربة و لا ماصلحتلكش ما تحبسيش عاودي الوصفة حتى تنجح…
جربي وصفات من اللمة لانها رائعة و مجربة و ناجحة
اتمنى ان اكون قد افدتك و لو قليلا…
سلام

اختي المقادير هي اساس نجاح اي حلوة يجب احترامها بالتدقيق لو احتجت اي وصفة كلنا هنا اطلبي فقط اسهل شئء هو صنع الحلوى صدقيني ما لزمش تخافي بارك

ياختي باش تتعلمي تديري الحلويات بداي بالوصفات السهلة, متروحيش مباشرة تديري بقلاوة ولا حاجة كبيرة, او ثاني سقسي على الوصفات المجربة و الناجة هكدا كي تديري حلو وتخرج لك مليحة تتحمسي باش تديري واحد اخرين, انا نوصيك على حلويات سلسلة مطبخ لالة, هي ناجحة 100 ب100 كل ما نخدم وصفة تجيلي هايلة, درت بزاف وصفات من كتاب حلويات اقتصادية, حوسي برك على الرابط نتاعو هنا في المنتدى و لا طلبي من الاخت ندى الورود تجيبهو لك, ورديلي بالخبر

شوفي اختي ماكنش شخص خلق متعلم اي واحدى تكون متعرفش لكن مع تكرار و الممراسة راح تلاقاي روحك عندك خبرة
نوصيك شى وهو انك تخصي ولو 2مرات فى الاسبوع و حضري بعض الوصفات لتكون سهلة حتى تتعودي و تاخذ ايدك على القاطو

ثم انتقلي للحلويات الصعبة نوعا ما

السلام عليكم
نصيحتي لك اهم شئ نوع الدقيق راهو يختلف لما تحبي تجربي جربي مقدار صغير لما تخلطي اهم حاج تتركي العجينة ترتاح لو وجدتي العجينة خرجت زيتها راهي الحلوة تجيك كاسحة والعلة في الدقيق انشاء الله ربي يعاونك

شكرا ليكم ربي يخليكم البارح سييت نوع وجا شباب ميرسي بزاااااف

الحمد لله اختي قتلك جربي و ماتخافيش

السلام عليكم اختي انا تاني كنت نخاف ندير الحلوة ولاكن لما تزوجت تحتمت عليا انديرها فبدات اتعلم الحلويات السهلة مثل الغريبية وحلوة الفرماج واليوم راني نسلك راسي المهم ماتخافيش وتبعي الخطوات